Lideri demokrat Lulzim Basha ka reaguar pas publikimit të përgjimeve nga BILD, duke e quajtur kreun e qeverisë Edi Rama padrino të krimit. Ai thotë se tani nuk ka më alibi dhe shporrja e tij tashmë është mision kombëtar. 

"Edi Rama është padrino i krimit. Tani nuk ka më alibi. Shporrja e tij dhe e bandës së tij në pushtet është mision kombëtar", shkruan Basha.

Edhe kryetarja e LSI Monika Kryemadhi teksa ishte në Fier ku u takua me strukturat e partisë së saj komentoi. Ajo tha se nuk është e suprizuar nga përgjimet e Bild pasi ato paraqesin vetëm majën e ajsbergut të krimit elektoral në vend.

"Protesta e së premtes bashkimi më i madh qytetar kundër së keqes. Të gjithë bashkë ta ndryshojmë këtë realitet të dhimbshëm. Kryemadhi: Qeveria një amalgame e krimit të organizuar me dhunën,  arrogancën, grabitjen e taksave dhe pandjeshmërinë njerëzore. Nuk jam e surprizuar nga përgjimet e Bild. Bild paraqet vetëm majën e ajsbergut të krimit më të madh elektoral në ndonjë vend evropian. Bashkëpunëtorë në këtë vepër kriminale Edi, ministrat, shefat e policisë, gjithë administrata shtetërore. Me këtë qeveri nuk hapen negociatat. Rama po nxit gjakderdhjen mes shqiptarësh. Gjithçka që t’i japim fund këtij skenari ogurzi. Rama është gati të sakrifikojë të ardhmen e Shqipërisë për karrigen e tij. Këmbët e karriges së thyer të pushtetit, dhuna, varfëria, krimi i organizuar dhe oligarkët e oborrit. Në betejën tonë për dinjitet, barazi ekonomike, integrim evropian nuk ndal asgjë. Fakte edhe më të rënda se përgjimet e Bild do dalin shumë shpejt për këtë qeveri të gangsterëve. Rama i frikësuar deri në palcë nga drejtësia. Askush nuk e shpëton dot Ramën, as sot, as nesër", tha Kryemadhi.