Kryemadhi takon Haradinajn: Njohja e Kosovës nga Serbia dhe anëtarësimi në NATO, të jenë kryeçështjet e politikës së jashtme shqiptare

Kryetarja e LSI, Monika Kryemadhi ka zhvilluar gjatë ditës së sotme një takim me delegacionin parlamentar të AKK-së, kryesuar nga kryetari Ramush Haradinaj.

Sipas saj njohja reciproke e shtetit të Kosovës nga Serbia dhe mbështetja e pakursyer ndaj Kosovës për anëtarësimin në institucionet ndërkombëtare dhe rrugën e integrimit europian duhet të jenë kryeçështje të politikës së jashtme të Shqipërisë

“Takim mjaft i ngrohtë dhe vëllazëror me delegacionin parlamentar të Ardhmërisë Kombëtare të Kosovës, kryesuar nga kryetari Ramush Haradinaj.

Njohja reciproke e shtetit të Kosovës nga Serbia dhe mbështetja e pakursyer ndaj Kosovës për anëtarësimin në institucionet ndërkombëtare dhe rrugën e integrimit europian duhet të jenë kryeçështje të politikës së jashtme të Shqipërisë. Nisma me karakter individual, si projekti jo transparent i Open Balkan që garanton supremacinë e interesave të Serbisë mbi rajonin, nuk duhet të provohen, përkundrazi është i nevojshëm bashkimi dhe unifikimi i faktorit shqiptar në rajon.

Mbetemi të angazhuar për bashkëpunimin intensiv me faktorin politik në Kosovë për të çuar përpara zhvillimin ekonomik, forcimin e bashkëpunimit mes njëri tjetrit dhe ecurinë e shpejte e te suksesshme te integrimit euroatlantik te saj.”, shkruan Kryemadhi.

Lajmi kryesor:

Lënë të shkuarën pas, Rama shtrëngon duart me Haradinajn, diskutimi mbi bashkëpunimin ekonomik dhe politikën e jashtme

J.GJ./Shqiptarja.com

TAG:
• edi rama
• Ramush Haradinaj
• kosove