Lënë të shkuarën pas, Rama shtrëngon duart me Haradinajn, diskutimi mbi bashkëpunimin ekonomik dhe politikën e jashtme

Kryetarja e LSI, Monika Kryemadhi ka zhvilluar gjatë ditës së sotme një takim me delegacionin parlamentar të AKK-së, kryesuar nga kryetari Ramush Haradinaj.

Sipas saj njohja reciproke e shtetit të Kosovës nga Serbia dhe mbështetja e pakursyer ndaj Kosovës për anëtarësimin në institucionet ndërkombëtare dhe rrugën e integrimit europian duhet të jenë kryeçështje të politikës së jashtme të Shqipërisë

“Takim mjaft i ngrohtë dhe vëllazëror me delegacionin parlamentar të Ardhmërisë Kombëtare të Kosovës, kryesuar nga kryetari Ramush Haradinaj.

Njohja reciproke e shtetit të Kosovës nga Serbia dhe mbështetja e pakursyer ndaj Kosovës për anëtarësimin në institucionet ndërkombëtare dhe rrugën e integrimit europian duhet të jenë kryeçështje të politikës së jashtme të Shqipërisë. Nisma me karakter individual, si projekti jo transparent i Open Balkan që garanton supremacinë e interesave të Serbisë mbi rajonin, nuk duhet të provohen, përkundrazi është i nevojshëm bashkimi dhe unifikimi i faktorit shqiptar në rajon.

Mbetemi të angazhuar për bashkëpunimin intensiv me faktorin politik në Kosovë për të çuar përpara zhvillimin ekonomik, forcimin e bashkëpunimit mes njëri tjetrit dhe ecurinë e shpejte e te suksesshme te integrimit euroatlantik te saj.”, shkruan Kryemadhi.

Enkelejd Alibeaj në cilësinë e kreut të grupit parlamentar të PD-së ka pritur në një takim kolegët e grupit parlamentar të Partisë për Ardhmërinë e Kosovës, kryesuar nga kryetari Ramush Haradinaj. Në fokus të bisedës së tyre ishte bashkëpunimi mes 2 vendeve.

"Kënaqësi të mirëprisnim në një takim vëllazëror kolegët e grupit parlamentar të Partisë për Ardhmërinë e Kosovës, kryesuar nga kryetari Ramush Haradinaj. Në bisedën e përfaqësuesve të dy grupeve tona u vlerësua bashkëpunimi miqësor mes dy parlamenteve dhe veçanërisht marrëdhëniet e ngushta mes grupit të PD dhe AAK.

Ndamë sëbashku nevojën e forcimit të këtyre marrëdhënieve si dhe fokusimin e gjithë axhendës së përbashkët për të çuar në njohjen finale të pavarësisë së Kosovës nga të gjitha vendet. Gjithashtu në bisedë u vu theksi tek nevoja e përbashkët për të ruajtur qartësisht rrugën e integrimit euroatlantik të Shqipërisë dhe Kosovës", shkruan Alibeaj.

Ajo që vihet re është se takimi është bërë në ambientet e Kuvendit dhe jo në selinë blu, pasi kjo e fundit tani më drejtohet nga Komisioni i Rithemelimit. Teksa gjithashtu, vihet se pranë tij janë vetëm deputetëve të PD-së dhe jo Komisionit të Rithemelimit.