Kryemadhi: Distancimi s'duhet të na ndajë shpirtërisht! Pashka na mëson se besimi na lartëson mbi të keqen

Monika Kryemadhi, kryetarja e LSI, ka uruar festën e Pashkëve Ortodokse, të cilat i sheh si një shenjë bashkimi në këto ditë të distancimit fizik nga njëri-tjetri. Kryemadhi thotë se festa të tilla i japin forcë shpirtit të njeriut për të çarë mes vështirësive dhe për të ndërtuar të ardhmen

"Festa e shenjtë e Pashkëve na mëson se sakrifica nuk është humbje dhe se ndriçimi i zemrës përmes besimit na lartëson mbi të keqen dhe antivlerat. Fuqia e shpirtit i jep njeriut forcën për të çarë mes vështirësive dhe për të ndërtuar të ardhmen.

Masat e distancimit fizik prej pandemisë nuk duhet të na ndajnë shpirtërisht nga njëri-tjetri dhe nga zakonet tona të mira. Përmes tyre, ne si komb kemi përballuar ndër shekuj vështirësi pas vështirësie, dhe sot është koha që ashtu siç kemi gjetur mënyra të reja për të kremtuar festat tona fetare, ashtu të hapim rrugën për të ndërtuar të ardhmen tonë të përbashkët. Me besimin në Zot, me dashurinë për njëri-tjetrin, me vlerat dhe traditat tona kombëtare.

Pashkë të mbara për të gjithë besimtarët ortodoksë dhe gjithë familjet shqiptare. Krishti u ngjall!", uron Kryemadhi.

Lajmi kryesor:

Pashkët ortodokse në kohë koronavirusi, politika shqiptare uron për paqe e reflektim

Ne.k./G.M./Shqiptarja.com

TAG:
• monika kryemadhi
• pashket ortodokse
• koronavirusi ne shqiperi