32 autoambulanca të reja i janë shtuar flotës së urgjencave në Qendrat Spitalore Universitare. I pranishëm në ceremoninë e prezantimit të flotës, kryeministri Edi Rama se synimi i qeverisë ka qenë reformimi i urjgencave dhe ky sektor tashmë është përballë ndryshimeve të mëdha. Sfidë mbetet, tha Rama, që urgjenca t'i përgjigjet në kohë reale çdo qytetari në nevojë. Duke iu referuar statistikave, Rama tha se nga nëntori i vitit 2015 dhënia e ndihmës së parë përmes Urgjencës ka shpëtuar 3 mijë jetë njerëzore.
Sot kemi një urgjencë mjekësore 24 orë në shërbim të pacientëve. Kemi një urgjencë që ka shpëtuar statistikisht 3 mijë jetë njerëzish, sipas të dhënave të kompjuterizuara nga nëntori i 2015, në këtë shëndetësinë tonë që sipas komentatorëve që falë zotit mos shkofshin kurrë në spital e flasin për mmjekë e infermierë nga thashethemet, sipas të cilëve spitalet janë vende ku shkojnë njerëzit dhe vdesin. Një vdekje përbën lajm, por janë 3 mijë jetë njerëzore të shpëtuara.
Edi Rama, kryeministër
Duke u ndalur te largimi i mjekëve dhe infermierëve jashtë vendit, Rama solli shembullin sesi drejtuesi i urgjencës është kthyer nga jashtë vendit dhe po udhëheq, sipas tij, transformimin e këtij reparti në sistemin shëndetësor. Ndërsa shtoi se pas janarit do punësohen 300 mjekë të rinj në sistemin shëndetësor, duke theksuar se ata që do zgjedhin të punojnë jashtë zonave të tyre të banimit, do përfitojnë edhe bonusin prej 2 mijë dollarësh. Thirrja e Ramës ishte pikërisht për mjekët që duan të largohen në drejtim të Gjermanisë.
"Kemi ata që derdhin lot krokodili se po na largohen mjekë dhe infermierë. Por Urgjenca sot drejtohet pikërisht nga një mjek i kthyer nga jashtë për të reformuar këtë sistem dhe që është protagonisti kryesor i këtij transformimi", tha Rama. "Janë 4 mijë infermierë që duan të hyjnë në sistem dhe janë në Shqipëri, jo në Gjermani, janë në portal, por ndryshe ngasa ka ndodhur për 25 vjet, nuk hyn më në punë përmes partisë e parasë, por përmes pikëve të fituara në testimin kombëtar të infermierëve. Pas janarit do kemi 300 mjekë të rinj specialistë të cilët po ashtu në bazë të meritës dhe rezultateve do të mund të zgjedhin se ku dhe nëse duan të kontribuojnë. Për të gjithë ata që do kontribuojnë në ato zona që janë jashtë zonave të tyre të banimit, do marrin aq sa do merrnin nëse do ta fillonin punën në Gjermani. Aq marrin të gjithë mjekët që shkojnë jashtë Tiranës për të shërbyer si specialistë. Marrin rrogën si mjekë dhe marrin mbi rrogën 2 mijë deri në 2500 dollarë në muaj. Po të llogarisësh taksat që paguajnë këtu që janë 5 fish më të ulëta, se sa do paguanin në Gjermani ta bëjnë vetë llogarinë se si është më mirë por një gjë është e sigurt se as kemi e as do kemi mungesë mjekësh dhe infermierësh në sistemin tonë shëndetësor", theksoi Rama.
Kryeministri deklaroi gjithashtu se vitin e ardhshëm do të rriten përsëri pagat e mjekëve dhe infermierëve. “Ashtu sikundër vitin e ardhshëm ne do të paguajmë jo pak por 1200 USD në vit për studentë ekselentë mjekësie d.m.th 100 mijë lekë në muaj bursë dhe do të paguajmë të gjithë tarifën ne si qeveri të çdo studenti në mjekësi që ka notën nga 9 deri në 10 dhe tek mjekësia do na kushtojnë shtrenjtë këta të mirët sepse janë pothuajse të gjithë shumë të mirë, megjithatë ashtu të jenë dhe ne do t’i shpërblejmë atë që ata bëjnë dhe do t’i mirëpresim në sistem pasi tua kemi paguar vetë tarifat, pasi tua kemi dhënë dhe bursën mujore dhe pasi t’i kemi bërë gati të zgjedhin Shqipërinë apo botën sipas dëshirës së tyre por është e sigurt se edhe kjo është një vlerë e shtuar për sistemin shëndetësor kombëtar që ne duam”.
Sa i takon repartit të Urgjencës, Rama tha se do vijojnë reformimi i këtij sistemi për të dhënë shërbimin te pacienti në kohë reale.
"E ardhmja është ende larg për një Urgjencë Kombëtare Mjekësore që t'i përgjigjet në kohë reale çdo familje dhe çdo njeriu në nevojë në vend. Por sot ka një të dhënë domethënëse që është thelbi i asaj që nisëm...për të kërkuar urgjencën nuk ka më nevojë për të kaluar nga spitali dhe të presësh në pafundësi që spitali të çojë fjalën te Urgjenca dhe Urgjenca të vijë te ti. Sot urgjenca është e lidhur direkt me çdo qytetar shqiptar. Sot është një shërbim që garanton padiskutim asistencën bazë në të gjithë territorin. Ne dyfishuam investimet në shërbimet shëndetësore përgjatë këtij viti pavarësisht se ç'a thonë gojët që nuk pushojnë dhe pavarësisht sesa shumë ka ende për të bërë në këtë sektor. Personeli i urgjencës, krahasuar me 5 vite më parë, sot është i dyfishuar. Sot kemi 448 mjekë, infermierë e personel mbështetës. Janë 49 mijë njerëz shqiptarë dhe të huaj që janë shërbyer vetëm në qendrat shëndetësore turistike nga 1 qershori deri në 15 shtator, falë kujdesit të drejtpërdrejtë të Urgjencës Kombëtare Mjekësore që ka dislokuar 17 autoambulanca përgjatë vijës bregdetare.
Sot janë 900 thirrje në ditë të cilat shkojnë direkt përmes sistemit të kompjuterizuar në veshin e urgjencës, nuk ka më histori që telefoni del i zënë...dhe këto nuk ishin 400 apo 40 vjet më parë, por 4-5 vjet më parë. Koha e ndihmës së parë është shkurtuar në mënyrë të ndjeshme. Akoma edhe më e rëndësishme, 50% e shërbimit është i përqendruar në banesa falë trajnimit dhe gatishmërisë së personelit të urgjencës. Autoambulancat nuk janë thjehst taksi që shkojnë dhe marrin njerëzit e i përplasin në dyert e spitaleve, por është shërbim që ka përgjysmuar me 50% numrin e atyre pacientëve, duke ia dhënë shërbimin në banesë. Sot më shumë se kurrë Urgjenca është më pranë njerëzve. Kurrë nuk ka qenë më pranë njerëzve se sot dhe kjo falë të gjithë atyre që për zilinë time dhe të gjithëve janë veshur me portokalli sot", tha Rama.
Manastirliu: Përgjigjia për Urgjencat, 10-15 minuta në zona urbane dhe 20-30 minuta në ato rurale
Ministrja e Shëndetësisë, Ogerta Manastirliu e vuri theksin se shërbimi në kohë që përfitojnë pacientët përmes urgjencës.
"Sot iu përgjigjemi urgjencave mjekësore për 10-15 minuta në zona urbane dhe 20-30 minuta në zonat rurale. I përgjigjemi në kohë cdo urgjence spitalore dhe para spitalore. Sot me linjën 127 apo 112 cdo qyetar mund të marrë shërbim urgjence në kohë. Jemi në fillim të rrugës dhe nuk jemi ende në premtimin që t'i përgjgjemi çdo rasti urgjence në 10-15 minuta. Në Tiranë jemi në 16 minuta kohë mesatare dhe 20 minuta në zonat urbane. Në rrugët e Shqipërisë nuk do të gjejmë më ato autoambualanca, deri në 2021 dotë kemi një flotë të autoambulancave për shërbim cilësor të urgjencave spitalore", theksoi Manastirliu.
Komente
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
Kur gjermanët nuk blejnë dot dhuratat e Krishtlindjeve
25 Dhjetor, 12:36 -
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Gjermani/ Sulmi terrorist nga mjeku në Magdeburg: Autori kishte lënë një testament në makinën e tij, zbulohet përmbajtja
24 Dhjetor, 21:39 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59
O kryemashtrues,ne Gjermani mjeku specialist ne nje spital province me 100 mije banore,sapo fillon pune merr minimumi 5000-6000 euro neto si rroge baze(pasi i zbriten taksat),plus merr bonuse shtese per oraret e zgjatura dhe punet extra qe ben.Ti i jep mjekut specialist ne QSUT,qe eshte spitali universitar me i mire i vendit dhe perballet me rastet me te veshtira nga e gjithe Shqiperia,vetem 400-450 euro ne muaj.Pasi gjithe te shkolluarit kane ikur dhe po ikin nga Shqiperia prej qeverisjes tende monstruoze,te ka ngelur vetem propaganda per ti bere lavazh total truri mjeraneve qe shpresuan tek ti.Duket se ke mesuar nga Hitleri qe thoshte se nese perserit shpesh nje genjeshter te madhe,njerezit do e besojne se eshte e vertete.
PërgjigjuPo ky cfare pi qe thote 2500 usd se spo e kuptoj p
PërgjigjuZoti kryeminister, nga veriu nje qeni qe leh pa pushim dite e nate i bertasin me fjalet (ha mut ha).Jo se ti e meriton ate togfjalesh por fol me pak se Saliu Llushi Monika Iliri te lutem se na e shpife.Saliu vetem e tha Shqiperia=Gjermani ti po e ben realitet
PërgjigjuZ.Kryeminister Urgjenca ne shqiperi punon pa protokoll fare. Nuk protokoll sherbimi mjeksor dhe nuk ka protokoll administrativ. Eshte thjesht nje mjet transporti nga vendi i ngjarjes deri ne spital.
Përgjigjunje pacient vdes ose jeton ne rradh te par nga ambualanca sa shpejt shkon
Po policise o i madhi kombit qe rrine dite nate ne pune e qe punojne cep me cep te shqiprise pse sjua ngre rrogat???????
PërgjigjuSikur ikin vetem per leket e rroges ata!! Hahahaha
PërgjigjuPo a e dini ju zoti Rama që një infermier në DE paguhet 2300 € në muaj, dhe askush nuk i kërkon katën e id dhe nr e tel të familjarëve që të votojnë për ju? Nuk i kërkon njeri për të mbush pallatet e sportit në votime? Duhet ti dish dhe këto, dhe pse jam i bindur që e di.
Përgjigjushijoje emigrimin
Lum ju per mjeket qe kane mbetur aty, edhe lopet do ndiheshin keq po ta dinin se nga kush do mjekohen. Ja keni bere vetes duke futur femijet dhe miqtë neper spitale dhe tani prisni mos tju ikin
PërgjigjuPo u ngopen me fjalet e brockullat e tua o Edi. Ti je i vetmi kryeminister ne planetin TOKE qe nuk e sheh me sy hapur realitetin ne Shqiperi ku dhe shpresa e fundit po vdes. Reflekto se po behet shume vone o drejtues i Banana Republike|
Po si nuk e di RAMA që spitalet mbushen me militant që dhe për veterinari do ofendonin Lopët me mënyrën si trajtojn gjënë e gjallë.