POP 5

Lajmet më të lexuara të 5 minutave të fundit

Kultura

Kryeministri i Shqipërisë, Edi Rama, një dedikim plot respekt e mirënjohje për Kolec Topallin

Edhe pse nuk ishte i pranishëm dje ne homazhe, kryeministri i Shqipërisë, i ka bërë një dedikim plot respekt dhe fjalë që nënkuptojnë se Rama përmes kësaj retorike ka çmuar njeriun e dijes,
Kryeministri i Shqipërisë, Edi Rama, një dedikim plot respekt e mirënjohje për Kolec Topallin

Kryeministri i Shqipërisë Edi Rama

Kolec Topalli, një burrë i mençur, i ditur dhe i heshtur, që u nda nga jeta duke lënë pas një hije të bardhë respekti për figurën e tij prej spektatori misterioz të vendit ku jetoi..

 Kryeministri Edi Rama

Edhe pse nuk ishte i pranishëm dje ne homazhe, kryeministri i Shqipërisë, i ka bërë një dedikim plot respekt dhe fjalë që nënkuptojnë se Rama përmes kësaj retorike ka çmuar njeriun e dijes, pavarësisht bindjeve të ndryshme politike që kanë pasur të dy personalitetet. Kolec Topalli ka qenë i mënjanuar në periudhën e diktaturës për shkak të biografisë politike. Megjithatë ai punoi me pasion pa i ndërprerë studimet dhe kërkimet shkencore edhe në ato kushte.

Kolec Topalli ka qenë një nga frymëzuesit e parë të lëvizjes demokratike në Shqipëri. Ai ishte dhe mbeti me përkushtimin e tij një ndër intelektualët e shquar të vendit, anëtar i Akademisë së Shkencave të Shqipërisë. Akademiku Topalli e mbylli karrierën e tij me veprën e tij më të rëndësishme “Fjalori etimologjik i gjuhës shqipe”. Një muaj më parë profesori u nderua për këtë vepër me çmimin “Çabej” nga Akademia e Shkencave .

Kolec Topalli u lind më 4 dhjetor 1938 në qytetin e Shkodrës dhe ndërroi jetë më 24 Maj 2018, pas një sëmundjeje të rëndë në moshën 80 vjeçare. Prof. Dr. Kolec Topalli ka qenë anëtar i Akademisë së Shkencave të Shqipërisë, anëtar i jashtëm i Akademisë së Shkencave dhe të Arteve të Kosovës, ka pasur titullin “Mësues i Popullit”. Ka qenë studiues i gjuhës, veprimtar publik dhe drejtues e funksionar në institucione të larta shkencore dhe zyrtare", njofton Akademia e Shkencave.

Kolec Topalli është autor i dhjetëra librave, artikujsh e kumtesash, si bashkëpunëtor i më shumë se 30 revistave shkencore brenda e jashtë vendit, me botime në 5 gjuhë të huaja. Pedagog i Fonetikës Historike në Fakultetin e Filologjisë të Universitetit të Tiranës dhe nga viti 1997 ishte bashkëpunëtor shkencor i Institutit të Gjuhësisë e të Letërsisë të Akademisë së Shkencave. Ka botuar librat: “Theksi në gjuhën shqipe”, “Për historinë e hundorësisë së zanoreve në gjuhën shqipe”, “Zhvillimi historik i diftongjeve të shqipes”, “Sonantet e gjuhës shqipe”, “Fërkimoret e afrikatet e gjuhës shqipe”, etj.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arben: 09/04/2020 18:56

    Prof Kolec Topalli ishte nje person i vecante, i paarritshem ne punen e tij. Humbje e madhe per vendin RIP

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça