Kryetarja e Gjykatës së Lartë të Kasacionit të Italisë Margherita Cassano, ndodhet në Tiranë për një vizitë zyrtare dy ditore, me ftesë të Kryetarit të Gjykatës së Lartë Sokol Sadushi.
Cassano e shoqëruar nga Sekretari i Përgjithshëm Stefano Mogini u prit ditën e sotme në ambjentet e Gjykatës së Lartë nga anëtarët e kësaj gjykate, të cilët kanë falenderuar delegacionin italian për zhvillimin e kësaj vizite të rëndësishme.
Në takim u vlerësuan marrëdhëniet shumë të mira mes dy popujve, duke theksuar se ato shkojnë më larg se një miqësi e zakonshme mes dy shteteve.
Nga ana e saj, Cassano u shpreh e kënaqur dhe vlerësoi realizimin e kësaj vizite në Tiranë, e cila e nisi serinë e takimeve në Shqipëri me vizitën në Gjykatën e Lartë.
“Jam falenderuese për ftesën, pasi në Shqipëri ndjehem si në shtëpinë time. Jam e bindur se bashkëpunimi mes dy gjykatave tona është shumë i rëndësishëm, pasi të dy vendet dhe sistemet gjyqësore ndajnë dhe përballen me të njëjtat sfida. Këto takime kanë në plan të parë shkëmbimet e ndërsjella të përvojave të veçanta, në mënyrë që të dyja palët të marrin eksperiencat më të mira nga njëri-tjetri.
Mbi të gjitha pavarësia e pushtetit gjyqësor, garantimi i sigurisë juridike nëpërmjet unifikimit të praktikës gjyqësore, qëndrueshmëria në dhënien e drejtësisë, kanë rëndësi parësore në themel të mbrojtjes së interesave të shtetit dhe të qytetarëve, si edhe rritjes së besimit tek drejtësia”, tha Cassano.
Në vazhdën e bashkëpunimeve të frytshme në vitet e fundit, Sadushi e ka përqëndruar ftesën për vizitë tek nevoja për t’a çuar në një nivel tjetër bashkëpunimin dhe shkëmbimet e mundshme midis gjyqtarëve, drejt sfidave të reja me të cilat përballet Evropa dhe çështjeve të procesit të integrimit të Shqipërisë në BE.
“Vizita të tilla kanë për qëllim ndërtimin e urave të bashkëpunimit mes dy vendeve, në kuadër të një miqësie të fortë historike dhe institucionale. Problematikat janë të përbashkëta dhe duhet të jemi të gatshëm për t’u përballur me to, në mënyrë që të gjejmë një zgjidhje sa më të përshtatshme dhe në funksion të mbrojtjes së parimeve demokracisë dhe shtetit të së drejtës. Bashkëpunimi mes dy gjykatave është i nevojshëm dhe duhet të jetë i përhershëm.
Marrëdhënia që ne kemi duhet çuar në një nivel tjetër institucional e për këtë shihet si e domosdoshme nënshkrimi i një memorandumi, gjë e cila do të ketë vetëm pasoja pozitive për të dy sistemet tona. Kjo është një kërkesë e vlerësuar dhe e dëshiruar nga të gjithë gjyqtarët e Gjykatës së Lartë”, u shpreh Sadushi.
Anëtarët e Gjykatës së Lartë e kanë njohur delegacionin me funksionimin e sistemit të gjyqësorit në vendin tonë dhe Gjykatës së Lartë në veçanti, si edhe me proceset reformuese të ndërmarra në sistemin e drejtësisë në Shqipëri, problematikat, vështirësitë dhe sfidat me të cilat përballet çdo ditë Gjykata e Lartë dhe sistemi gjyqësor në tërësi.
Të dy autoritetet e larta ndanë të njëjtin vlerësim për marrëdhëniet e shkëlqyera që kanë Shqipëria dhe Italia në të gjitha drejtimet, përshëndetën rritjen e bashkëpunimit dhe shkëmbimin e eksperiencave dhe ranë dakord që hapi i radhës së kësaj marrëdhënie do të jetë nënshrimi i marrëveshjes dypalëshe të bashkëpunimit.
Lajme të tjera
-
U dënua me 2 vite shërbim prove, Gjykata e Lartë prish vendimin e Apelit për ish-gjyqtaren Zamira Vyshka dhe kthen çështjen për rigjykim me trupë tjetër
17 Tetor, 16:25
-
Ish- kreu i ARRSH Evis Berberi mbetet në burg, Gjykata e Lartë i rrëzon rekursin
17 Tetor, 15:42 -
Ervin Salianji do vuajë 1 vit burg! Gjykata e Lartë refuzon pezullimin e dënimit për ish-deputetin e PD, i dënuar për kallëzim të rremë në dosjen 'Babale'
15 Tetor, 14:44
-
I kërkuar për trafik kokaine, Princ Dobroshi do të ekstradohet në Gjermani! Gjykata e Lartë i refuzon rekursin 'Peshkaqenit'
11 Tetor, 14:36
-
Ervin Salianji kërkon pezullimin e vendimit të Apelit që e dënoi me 1 vit burg, Gjykata e Lartë shqyrton kërkesën më 15 Tetor! Ja gjyqtari relator
4 Tetor, 13:02 -
Afera 'Partizani'/ Ankimoi vendimin e gjykatës për marrjen e provave, Gjykata e Lartë rrëzon rekursin e radhës për Jamarbër Malltezin
3 Tetor, 15:31
-
Institucionet e drejtësisë refuzojnë komisionin 'Antikorrupsion'! SPAK për Report Tv: I kemi përmbushur detyrimet! Jo dhe nga ILD e Gjykata e Lartë
3 Tetor, 11:38
-
DOKUMENTI/ U dënua me 1 vit burg për kallëzim të rremë në dosjen 'Babale', Ervin Salianji kërkon pezullimin e vendimit në Gjykatë të Lartë
1 Tetor, 14:41 -
Rekursi/ Iu sekuestruan 3.1 mln euro pasuri, Ish shefi i Operacionales, Oltion Bistri kërkon zhbllokimin në Gjykatën e Lartë
29 Shtator, 13:32 -
Dosja 5D/ U vendosën në 'arrest në burg', Gjykata e Lartë prish vendimin e Apelit të GJKKO dhe dërgon për rishqyrtim çështjen e dy ish-drejtorëve të bashkisë Tiranë
27 Shtator, 15:35
-
I arrestuar për shpërdorim detyre dhe mosdeklarim pasurie, Gjykata e Lartë rrëzon kërkesën e ish-kryebashkiakut të Himarës, Jorgo Goros për masë më të butë sigurie
24 Shtator, 16:27 -
KËRKESA/ I dënuar me burg përjetë, Dritan Dajti hap gjyq të ri në Elbasan: Të mos njihet vendimi i Krimeve të Rënda, gjyqtarët nuk firmosën! Mungon urdhri i prokurorit
23 Shtator, 14:37
