POP 5

Lajmet më të lexuara të 5 minutave të fundit

Kosova & Rajoni

Kryetarja e re bashkisë merr zyrtarisht detyrën, Shkupi për herë të parë do të drejtohet nga një grua

Bashkia e Shkupit do të drejtohet për të parën herë nga një kryebashkiake grua. Danella Arsovska ditën e sotme ka marrë zyrtarisht detyrën.  Në zgjedhjet lokale në Maqedoninë e Veriut, Arsovska si kandidate e pavarur fitoi me 28.130 vota në avantazh ndaj ish-kryetarit të Shkupit, Petre Shilegov.

Kryetarja e re bashkisë merr zyrtarisht detyrën, Shkupi për herë të parë do të drejtohet nga një grua

Kryebashkiakja e re e Shkupit, Danella Arsovska

SHKUP- Bashkia e Shkupit do të drejtohet për të parën herë nga një kryebashkiake grua. Danella Arsovska ditën e sotme ka marrë zyrtarisht detyrën. Në zgjedhjet lokale në Maqedoninë e Veriut, Arsovska si kandidate e pavarur fitoi me 28.130 vota në avantazh ndaj ish-kryetarit të Shkupit, Petre Shilegov.

Shilengov i dorëzoi sot detyrën Arsovskës, ndërsa në një prononcim për mediat tha se shumë shpejt kryebashkiakia do të njihet me problematikat e qytetit.

“Unë pres se së shpejti do të njihet me problematikën në qytet e cila është komplekse në shumë sfera, megjithatë ekipi që mbeti këtu është seriozisht profesional dhe pres se do t’i ndihmojnë të ketë punë të suksesshme”, tha Shilegov.

Shilengov foli edhe për situatën në partinë e LSDM, i cili tha se shumë shpejt do të ketë një zgjidhje pasi gjatë javës pritet të të mbahet mbledhja e Këshillit ekzekutiv të partisë.

Kujtojmë që LSDM pësoi një disfatë në zgjedhjet lokale në Maqedoninë e Veriut, ç’ka bëri që Zoran Zaev të jepte dorëheqjen nga posti i kryeministrit si edhe nga drejtimi i LSDM-së. Kjo parti humbi Shkupin dhe mbi gjysmën e 80 komunave të vendit. Në Kuvendin e Maqedonisë së Veriut nuk ka mbërritur ende asnjë kërkesë për dorëheqje nga Zoran Zaev.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Spahiu: Meqë Berisha kërkon qeveri teknike me PS, uroj që Rama ta bëj ministër 4 vite

Spahiu: Meqë Berisha kërkon qeveri teknike me PS, uroj që Rama ta bëj ministër 4 vite

27 Nëntor, 22:41