Një dramë që ndërthur dashurinë e ndaluar, tradhtinë dhe çmendurinë, kështu do të mund të përmblidhej në pak fjalë ajo çfarë trajton opera “Lucia di Lammermoor”, e cila rikthehet në Teatrin Kombëtar të Operës dhe Baletit pas plot 16 vitesh nga premiera e saj.
Tashmë vepra vjen me një produksion krejtësisht të ri dhe një koncept origjinal nga regjisorja Ada Gurra.
“Kjo vepër ka filluar siç fillon gjithmonë, 3-4 javë përpara. Kemi bërë punë shumë intensive me të gjithë solistët.”, - shprehet regjisorja Gurra.
E bazuar në një ngjarje të vërtetë që skandalizoi Skocinë e shekullit të 17-të, kjo histori nisi si roman nga Sir Ëalter Scott, botuar në vitin 1819. Ishin Gaetano Donizetti dhe Salvadore Cammarano – dy nga yjet më të shndritshëm të operës italiane – ata që, në vitin 1835 i dhanë Lucias zërin e saj të pavdekshëm.
Është për t’u shënuar që në këtë vënie të re në skenë të operës, një nga artistet që do t’i japë jetë Lucias është sopranoja e njohur në nivel global, Jessica Pratt, e cila këto ditë ndodhet në Tiranë.
“Roli i Lucias është shumë i rëndësishëm për mua. ‘Lucia di Lammermoor’ është një opera shumë specifike, se është e vështirë të gjesh, jo thjesht atë që do të interpretojë rolin e Lucias, por dhe të gjithë aktorët e tjerë, se të gjithë personazhet janë shumë specifikë dhe individualë dhe të gjesh aktorët e duhur është mjaft e vështirë. Kam pasur fatin të gjej një kast të mrekullueshëm, jo vetëm sa i përket mënyrës së të kënduarit, por dhe mënyrës së aktrimit.”, - thotë Pratt.
“Të punoj me znj. Pratt është padyshim privilegj. Jam shumë i lumtur dhe i nderuar. Prania e saj është vlerë e shtuar, jo vetëm për shfaqjen, por edhe për kolegët.”, - nënvizon drejtori artistik dhe dirigjenti Jacopo Sipari di Pescasseroli.
Dy aktoret e tjera që do ta sjellin personazhin kryesor në dimensione të tjera janë sopranot Ramona Tullumani dhe Ulpiana Aliaj.
“Për mua është kënaqësia e rradhës, që të jem përsëri në një rol që e debutoj brenda një viti. Do të thosha që është shumë ndryshe nga dy rolet që kam bërë përpara Luçisë. Është një rol sfidues, që kërkon një teknikë të lartë vokale, një zë me koloraturë dhe me dramacitet, meqënëse unë e spikas këtë pjesë.”, - vëren sopranoja Tollomani.
Ndërsa për Ulpiana Aliajn, ky rol shënon edhe rikthimin e saj në këtë skenë pas 12 vitesh.
“Unë jam vërtet shumë e emocionuar, por në të njëjtën kohë ndiej përgjegjësi të shumëfishtë për të qenë dhe për t’u rikthyer në këtë skenë pas shumë vitesh, jo vetëm me një titull kaq të rëndësishëm.”, - thotë Aliaj.
Kasti i artistëve është i niveli sipëror teksa do të ngjiten në skenë emra, si: Raffaele Abete, Armando Likaj, Artur Vera, Bledar Domi, Solen Alla, Matias Xheli, Erlind Zeraliu, Amelda Papa dhe Marina Kurti, shoqëruar edhe nga orkestra dhe kori i Teatrit Kombëtar të Operës dhe Baletit.
Vite më parë opera “Lucia di Lammermoor” u shfaq në skenën e Teatrit Kombëtar të Operës dhe Baletit në nëntor të vitit 2008 me regji të Nicola Zorzi.
Në këtë vënie të re ajo do të vijë për publiku në datat 12, 13, 15 dhe 16 dhjetor.
Lajme të tjera
-
‘Triptiku’/ Gëzim Myshketa pas 10 vitesh në ‘Opera’ si ‘Gianni Schicchi’! Eva Golemi përlotet në rolin e ‘Suor Angelica-s’! 3 veprat e Puçinit ngrenë publikun në këmbë!
1 Mars, 17:28
-
Viti Puçinian, në Opera tri kryevepra të kompozitorit, në bashkëpunim me Italinë, artistët: Koha që dy vendet tona të ripërqafohen me art
7 Shkurt, 15:54
-
Kremtohet 100-vjetori i marrëdhënieve diplomatike Çeki-Shqipëri! Koncerti me muzikë klasike ‘mbërthen’ publikun e Vlorës
29 Tetor 2022, 16:54
-
Sopranoja Ramona Tullumani nën lenten e Fadil Berishës, rrëfen për eksperiencën e bukur dhe ngjitjen në skenën New York-eze
12 Prill 2022, 15:12 -
Genc Tukiçi dhe Ramona Tullumani sjell magjinë e festave në një koncert krishtlindjesh në Korçë: Është publik shumë i zgjuar dhe i ëmbël
24 Dhjetor 2021, 16:08 -
Suprizon babain në studio, sopranoja Ramona Tullumani zbulon për herë të parë portretin e vajzës së vogël
23 Shtator 2021, 09:47 -
Sopranoja shtatzënë rrëfen betejën me COVID: Gëzimi për fëmijën më jep forcë ta mposht! U prekëm si familje, por jam e lumtur që po e kaloj
16 Shkurt 2021, 14:23 -
Pas 4 vitesh rikonstruksion/Teatri Kombëtar i Operës inaugurohet në fillim të muajit dhjetor
7 Nëntor 2020, 14:49
-
Java e Europës në Shqipëri, 15 shfaqje muzikore nën moton “Më të fortë së bashku”
4 Maj 2020, 16:49 -
“Kur më vjen burri nga stani” & “Zare trendafile" sopranoja sjell dy perlat e muzikës shqiptare (VIDEO)
9 Prill 2020, 12:28 -
“Atdheu im”, sopranoja e këndon bashkë me djalin:Rrini në shtëpi (VIDEO)
19 Mars 2020, 13:39
