Presidenti i Republikës Ilir Meta ka drekuar ditën e sotme me Presidentin e Kosovës, Hashim Thaçi në Durrës. Në qendër të bisedës mes dy presidentëve ka qenë rritja e bashkëpunimit mes dy vendeve, por pa dyshim edhe debati i fundit për rishikimin e kufijve mes Kosovës dhe Serbisë. Kreu i shtetit shqiptar përmes një postimi në Facebook thotë se me rëndësi është vazhdimi i dialogut për normalizimin përfundimtar të marrëdhënieve Kosovë – Serbi, por qëllimi kryesor është stabiliteti rajonal.
Kënaqësi të takohesha sot në Durrës për një drekë pune me Presidentin e Republikës së Kosovës, z.Hashim Thaçi. Rritja e mëtejshme e shkëmbimeve të gjithanshme midis dy vendeve është një prioritet i përbashkët. Forcimi i stabilitetit rajonal dhe perspektivës europiane të rajonit është qëllim i përbashkët.
Ndaj është me rëndësi vazhdimi i dialogut për normalizimin përfundimtar të marrëdhënieve Kosovë - Serbi që do të garantojë jo vetëm njohje reciproke midis dy vendeve si edhe të ardhmen e tyre në BE por dhe një bashkëjetesë të përhershme midis shqiptarëve e serbëve në interes të gjeneratave të ardhshme.
Ilir Meta
Nisur nga deklarata e sotme, Meta i qëndron prononcimit të para pak ditëve më parë se është kundër rishikimit të kufijve mes Serbisë dhe Kosovës. Në datë 29 gusht, Meta u prononcua për herë të parë për debatin e kufijve, ndërsa theksoi se 'Do të cënonte stabilitetin e Ballkanit’’. Ndërkohë që dreka e Metës me Thaçin në Durrës, vjen një ditë pas asaj me liderin e Vetëvendosjes, Albin Kurti në Karpen të Kavajës, i cili është kundër idesë së Presidentit të vendit të tij.
Presidenti i Serbisë, Aleksandër Vuçiç u angazhua pak kohë më parë për ndarje ndërmjet serbëve dhe shqiptarëve në Kosovë, duke u bërë jehonë kërkesave të Serbisë për ndarjen tokësore të Kosovës në kuadër të procesit për normalizimin e marrëdhënieve ndërmjet të dy vendeve. Por sot gjatë vizitës në Kosovë ai u shpreh se ‘nuk është e vërtetë se dua të ndryshoj kufijtë’.
Kosova e ka hedhur poshtë idenë e ndarjes tokësore të saj, ndërsa është përfshirë ne debatet e nxitura nga ideja e presidentit të saj Hashim Thaçi për 'korrigjimin e kufirit" që sipas tij, nënkupton bashkimin e luginës së Preshevës, një rajon me shumicë shqiptare në jug të Serbisë, me Kosovën.
SHBA dhe BE nuk e kanë kundërshtuar idenë, por kanë kërkuar mos cenonte stabilitetin e Ballkanit, ndërsa Gjermania dhe Britania janë pozicionuar kundër. Përsa i përket Shqipërisë, Rama mbështeti qëndrimin e BE, ndërsa Presidenti Meta doli kundër rishikimit të kufijve.
Komente
Lajme të tjera
-
Thaçi në burg, Rama-Kosovës: S’bëtë asgjë për padrejtësinë në Hagë! Kërkoni verifikim për standardet e gjykimit, gati ta miratojmë edhe ne rezolutën
20 Dhjetor, 12:26 -
Çfarë po ndodh me aktakuzën e dytë ndaj Thaçit?
20 Dhjetor, 10:02 -
Bilanci i 5 vite SPAK: 61 zyrtarë të lartë nën akuzë, Berisha e Meta, 'Vipat'! U sekuestruan 182 mln euro të krimit e korrupsionit
19 Dhjetor, 16:59 -
Namir Lapardhaja: Unë jam Zoti juaj më i lartë!
19 Dhjetor, 09:16
-
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26 -
Prokuroria Speciale synon të thërrasë 3 dëshmitarë kundër Hashim Thaçit dhe 4 të tjerëve
17 Dhjetor, 16:34 -
Nënës së Kryemadhit i kthehet vila te ‘Kodra e Diellit’, Apeli i GJKKO lë në fuqi sekuestron e banesës vetëm për deputeten e PL
17 Dhjetor, 11:29 -
Meta: Gjykata Kushtetuese në krizë, narkoshteti po shkatërron sovranitetin e popullit
16 Dhjetor, 20:57 -
Iu sekuestruan vilat, Kryemadhi me bastun në Apelin e GJKKO: Më thanë dil nga shtëpia, do jetoj në çadër
16 Dhjetor, 12:45 -
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31 -
PL: Arrestimi i Metës do të çohet në Strasburg! U izolua padrejtësisht për të mos thënë të vërtetat
14 Dhjetor, 15:30
Vetem udheheqesite qe, me are e kane çliruar atdheun dhe me lufte e kane sjellur lirine e popullit,marrin besimin e sovranit dhe bindshem duhet t'ju besohet per te drejten dhe te verteten.te kunderten ata qeveritare-sundimtar qe, asgje nuk kane bere te popu ll e atdhe, Çdo veprim,nese jane ne sundim te popullit, e bejen me paralloigari personale.Ja kete dy i keni shembull konkret. Hashim Thaçi,çlirimtar,atdhetar e qeveritar me besimin e dhane nga sovrani.Meta politiken e ka biznes, e ka per lakadredha, per certifikim genjeshtrash, hajnish dhe mashtrim e vejdhje politike.
PërgjigjuRESPEKTE për HASHIM THAÇIN ! NEVERI dhe URREJTJE për Pseudo Presidentin HAJDUT të SHQIPËRISË , që pasi hyphen ne PUSHTET , VJEDH POPULLIN e Vet dhe Shkatërron ATDHEUN e vet !!!
Përgjigju