POP 5

Lajmet më të lexuara të 5 minutave të fundit

Sociale

Kukës, luhatjet e energjisë djegin
pajisjet elektroshtëpiake në lagjen 5

Disa familje të 10 blloqeve të banimit e disa biznese janë dëmtuar nga djegia e pajisjeve elektroshtëpiake në lagjen 5 të qytetit të Kukësit.  VIDEO
Disa familje të 10 blloqeve të banimit e disa biznese janë dëmtuar nga djegia e pajisjeve elektroshtëpiake në lagjen 5 të qytetit të Kukësit.

Ramazan Duraku ,është një prej personave më të dëmtuar nga djegia e pajisjeve , i cili në mungesë të interesimit të punonjësve të elektrikut ka bërë edhe një padi në gjykatë duke kërkuar çdëmtimin e pajisjeve të djegura në shtëpitë e tyre.

"Në orën 01:30 të darkës,  luftë ka qenë më  pallatet, me dritat, domethën çfarë kam patur  pajisje, me televizor, me frigorifer, me lavatriçe janë shkrijë të gjitha. Unë tani jam pa televizor, pa lavatriçe, pa frigorifer, pa snjë gjë. Larg qoftë  me pas qenë natën ndonjë fëmijë në dushe dhe në gjëra, këtu do kishim shumë kufoma dhe shumë njerëz do të vdisnin. Shansin nuk e kanë të tallen me ne me dritat. Se kur po paguajmë dritat, se një ditë mos të paguajmë dritat ai vjen dhe i pret, prandaj iu bëjë thirrje që të çohemi të gjithë"-thotë Duraku

Dëmtime në pajisjet eletrike kanë pësuar edhe biznese të ndryshme. Një nga dëmtuarit që ushtron aktivitetin në rrugën “Dituria” thekson nuk funksionon asnjë pajisje.

"Frigoriferi është djeg, llampat janë djeg, aparati i televizorit është djeg, jemi ankuar tek elektriku për këtë punë, ai nuk mban përgjegjësi fare për këtë punë. Dritat shkojmë i paguajmë, paguajmë nga 160-170 mijë çdo muaj, kur vjen koha për të mbajtur përgjegjësi, nuk mban as elektriku dhe as shteti"-shprehet një nga tregtarët.

Sipas banorëve, gjithçka ka ndodhur gjatë kohës që intensiteti i energjisë elektrike është rritur në mënyrë të papritur të martën në mesnatë. Ata thonë se kanë shkuar në zyrat e OSHEE, por deri tani nuk kanë marrë asnjë përgjigje në lidhje me këtë problem.

Redaksia Online
N.M/Shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Polonia akuzon Rusinë se po planifikon akte terroriste kundër linjave ajrore në mbarë botën

Polonia akuzon Rusinë se po planifikon akte terroriste kundër linjave ajrore në mbarë botën

15 Janar, 22:35