POP 5

Lajmet më të lexuara të 5 minutave të fundit

Shëndeti

Lajme nga emisionet

Kungulli, ‘bomba e portokalltë’ për shëndetin, Altin Joka: Lufto sëmundjet me zero lekë

Kungulli, ’ari i portokalltë’ për shëndetin dhe tryezën, vlerat e tij, përdorimet e luleve, gjetheve dhe farave

I ftuar në emisionin “Rreze Dielli” në Report TV, me moderatore Androniki Kolka, ishte nutricionisti nga Suedia Altin Joka, i cili foli për kungullin që zakonisht blihet në sezon dhe njihet ndryshe si “ari i portokalltë” i tryezave.

Tek kungulli konsumohet çdo gjë, gjethja, farat, vaji dhe lulet. Kungulli nuk është perim, por i përket klasës së frutave. Ka shumë varietete, por 15 janë më të përdorurat dhe 5 janë ato që hasim çdo ditë.

“Tek kungulli i verdhë kemi nivelin e betakarotenit të lartë që mbron kundër kancerit, shëndetin e zemrës dhe përmirëson shikimin”, tha Altini në fillim të bisedës, duke shtuar se ka vitamina të shumta gjithashtu, që ndihmojnë në ruajten dhe mbrojtjen e qelizave.

Kungulli shërben dhe për normalizimin e presionit të gjakut dhe ka nivele të larta kaliumi, bakri dhe mangani, minerale që janë kundër dëmtimit të kockave, sikurse ndikon në prodhimin e kolagjenit dhe hemoglobinës. Ndikon tek shëndeti i veshkave dhe normalizon kaloritë në trup, ndërsa përmirëson trupin nga problemet gastrointestinale. Gjithashtu është shumë efektiv në problemet e kolesterolit dhe problemet e infertilitetit mashkullor.

Por përveç vlerave të kungullit, është shumë e rëndësishme të mos neglizhojmë dhe fuqinë e luleve dhe gjetheve të tij.

“Gjethja e kungullit është një pastrues shumë i mirë nga parazitët dhe ndikon në normalizimin e shëndetit të zemrës. Gjethet e kungullit ndikojnë dhe tek kariesi, sikurse janë efektive dhe për humbjen e peshës” theksoi Joka.

Ndërsa u ndal gjatë bisedës dhe në rëndësinë që duhet t’i japim farave të kungullit, të cilat mund të konsiderohen pa frikë si një ‘ilaç natyral’ për shumë gjendje shëndetësore.

“Farat e kungullit që në kohët e mëparshme kanë qenë një ilaç kundër parazitëve. Farat e kungullit janë detoksifikuese shumë të mira për problemet e mëlçisë. Sasia e magnezit tek farat e kungullit dhe mangani janë në sasi optimale tek një filxhan fara kungulli. Ndikojnë shumë në rritjen e yndyrnave të mira dhe shëndetin e zemrës, stabilizojnë sheqerin në gjak, normalizojnë urinimin e shpeshtë, ulin rrezikun e diabetit si dhe ndikojnë në normalizimin e gjumit. Ndihmojnë tek qelizat tumoriale duke normalizuar parametrat trupor. Farat e kungullit janë shumë të mira, preferueshëm të pjekura, pasi ndikojnë shumë në trup me sasinë e madhe të vitaminave që përfitojmë nga to”, nënvizoi ai.

Joka u ndal dhe në vlerat e mëdha që ka dhe vaji i kungullit, i cili ndikon shumë në shëndetin tonë, duke ndikuar në pjesën e prostatës apo në tëmth. Ndikon shumë në problemet me flokët, inflamacionet në trup, problemet me mushkëritë, apo problemet me migrenën dhe normalizimin e tensionit. 

 

MC/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Media greke: Klani i ndërtimit në Mykonos dhe vrasja në burg e Alfons Doçit! Çfarë fsheh audio-dëshmia e shqiptarit?

Media greke: Klani i ndërtimit në Mykonos dhe vrasja në burg e Alfons Doçit! Çfarë fsheh audio-dëshmia e shqiptarit?

30 Mars, 16:28