Kupa e Shqipërisë mbylli fazën çerekfinale. Këtë të mërkurë dy biletat e mbetura për në gjysmëfinale i kanë marrë Tirana dhe Vllaznia, që kanë eliminuar Teutën dhe Erzenin.
Në "Elbasan Arena" Tirana eliminoi Teutën nga Kupa e Shqipërisë në një ndeshje dramatike, me 120 minuta lojë dhe 14 penallti. Me duelin e parë që ishte mbyllur 0-0, ndeshja në Elbasan nisi më mirë për miqtë nga Durrësi. Ishte Peposhi nga pika e bardhë e penalltisë që kaloi Teutën në epërsi, teksa Tirana barazoi vetëm në minutën 90+8 me Nikqin.
Pas barazimit 1-1 skuadrat iu drejtuan shtesës prej 30 minutash, teksa edhe në këto minuta nuk u shënua gol. Më pas ishte koha e "ruletës së penalltive", me Tiranën që fitoi 6-5. Heroi i bardhebluve ishte Leon Kozi, që priti dy penallti.
Vllaznia është gjysmëfinalistja e katërt e Kupës së Shqipërisë. Në stadiumin "Loro Boriçi" të Shkodrës, Vllaznia fitoi 6-1 kundër Erzenit dhe merr një biletë për më tej. Paçka se rezultati 6-1 tregon shumë, shkodranët s'e kanë pasur të lehtë, me ndeshjen që shkoi me shtesë dhe u deshën 120 minuta për të vijuar më tej. Erzeni sfidën e parë e kishte fituar 2-1 dhe Vllaznia u imponua në shtëpi.
Mala dhe Balaj shënuan në pjesën e parë për avantazhini e dyfishtë të Vllaznisë, teksa Atanda la Erzenin me një lojtar më pak. Autogoli i Stojanovic e dërgoi rezultatin në 2-1 dhe ndeshja u drejtua drejt shtesës prej 30 minutash. Vendasit u treguan të papërmbajtshëm dhe shënuan tripletë me Gomes si edhe Balaj. Kështu, me rezultatin 6-1 sot Vllaznia kalon më tej.
Pas Egnatias dhe Kukësit, sot Tirana e Vllaznia sigurojnë biletat e mbetura për në gjysmëfinale, me shortin e lirë që do hidhet javën që vjen për të mësuar dy çiftet. Ndeshjet do të luhen me sistem vajtje-ardhje, me dy takime. Sfidat e para gjysmëfinale do të zhvillohen më datë 3 prill ndërsa takimet e dyta më datë 24 prill.
Kupa e Shqipërisë, faza çerekfinale:
E martë
13:30 Egnatia 3-1 Laçi (1-0)
17:00 Partizani 0-1 Kukësi '3-4 me penallti' (1-0)
E mërkurë
13:30 Tirana 1-1 Teuta '6-5 me penallti' (0-0)
17:00 Vllaznia 6-1 Erzeni (1-2)
* në kllapa rezultatet e ndeshjeve të para
Vllaznia ka siguruar biletën e fundit për në gjysmëfinalet e Kupës së Shqipërisë. Shkodranët fituan 6-1 pas 120 minutave lojë, me Erzenin që ia doli ta dërgonte ndeshjen në shtesë. Pas ndeshjes për MCN trajneri i Vllaznisë, Qatip Osmani tha se të tijtë duhet ta mbyllnin ndeshjen në 90 minuta.
"Një fillim i rezervuar, i kujdesshëm. I shënuam golat në pjesën e parë, kishim një lojtar tepër. Nuk i shfrytëzuam disa raste në fillimin e pjesës së dytë. Morëm një gol që të gjithë e pamë se si e pësuam. Deri në fund të pjesës së dytë na mungonte diçka. Nuk kishte neglizhencë.
Ndoshta mangësi është fakti që nuk e mbyllëm ndeshjen në 90 minuta. Ndoshta 20 minutëshin e parë e lejuam Erzenin të vihej në zotërimin e topit. Ne zakonisht ekipet i presim në bllokun e mesëm. Por nuk e bëmë atë presingun për topin që të shkonte te Balaj. Pasi pësuam golin luajtëm krejtësisht gabim. Vendoseshim gabim, megjithëse kishim një lojtar më tepër", tha Qatip Osmani.
Vllaznia është gjysmëfinalistja e katërt e Kupës së Shqipërisë. Në stadiumin "Loro Boriçi" të Shkodrës, Vllaznia fitoi 6-1 kundër Erzenit dhe merr një biletë për më tej. Paçka se rezultati 6-1 tregon shumë, shkodranët s'e kanë pasur të lehtë, me ndeshjen që shkoi me shtesë dhe u deshën 120 minuta për të vijuar më tej. Erzeni sfidën e parë e kishte fituar 2-1 dhe Vllaznia u imponua në shtëpi.
Mala dhe Balaj shënuan në pjesën e parë për avantazhini e dyfishtë të Vllaznisë, teksa Atanda la Erzenin me një lojtar më pak. Autogoli i Stojanovic e dërgoi rezultatin në 2-1 dhe ndeshja u drejtua drejt shtesës prej 30 minutash.
Vendasit u treguan të papërmbajtshëm dhe shënuan tripletë me Gomes si edhe Balaj. Kështu, me rezultatin 6-1 sot Vllaznia kalon më tej.
Teuta është jashtë Kupës së Shqipërisë, teksa Tirana i eliminoi në çerekfinale. Dueli pas 120 minutave u mbyll 1-1, ndërsa bardheblutë ishin më të saktë pas penalltive. Pas ndeshjes trajneri i durrsakëve, Edi Martini u shpreh i keqardhur për gabimet.
"Më erdhi keq për djemtë, kishim mundësi për ta mbyllur ndeshjen. E pësojmë në fund me një top të gjatë, është e pafalshme. Një mungesë përqendrimi në fund që nuk falet, aty kishim mbrojtës me eksperiencë, jo të rinj. Më vjen keq më shumë për atë gol të pësuar, nuk duhet të na ndodhë në mënyrë absolute ajo punë.
Më dhemb shumë, sepse do të ishim në katërshe. Edhe gjendja e lojtarëve do të ishte më e mirë. Gjithsesi ditën e hënë duhet të rikuperojmë forcat, duhet të vazhdojmë përpara sepse kampionati është shumë i gjatë dhe koha nuk pret", tha shkodrani për MCN.
Tirana u kualifikua në gjysmëfinalet e Kupës së Shqipërisë, kjo teksa mundi 6-5 Teutën me penallti, pasi koha e rregullt dhe shtesa prej 30 minutash u mbyllën në barazim 1-1.
Pas ndeshjes trajneri i bardhebluve, Erbim Fagu u shpreh i lumtur për kalimin më tej, duke thënë se i beson lojtarëve.
"Jam i lumtur për lojtarët që nuk janë dorëzuar deri në fund. Unë kam besim të plotë te këta lojtarë pasi janë me eksperiencë dhe kualitet. Shpresoj shumë se kjo fitore do të na kalojë ngërcin psikologjik. Dëmtimet? Për momentin nuk mund të jap përgjigje të saktë, janë lodhje, kontraktikime apo ngërce, nesër do të kemi një pasqyrim më të saktë. Ky kualifikim do të na ndihmojë për vazhdimësinë në aspektin psikologjik", tha Fagu për MCN pas ndeshjes.
Lajme të tjera
-
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Protesta e PD/ Berisha me një grusht militantësh bllokojnë 3 orë Tiranën: Qeveri teknike! Përplasen me policinë! Noka grusht efektivit
23 Dhjetor, 17:11 -
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Tirana rrezikon mbijetesën, pesë titullarë me 'valixhe në duar'
23 Dhjetor, 09:29 -
Renditja/ Superliga mbyll vitin 2024, Teuta barazon pa gola me Bylisin! Tifozët numërohen me 'gishtat e një dore'
22 Dhjetor, 19:07 -
Kategoria e Parë/ Pogradeci shtang Vorën në fund, Apolonia mposht Besën! Kastrioti tri pikë (Renditja)
22 Dhjetor, 15:43 -
Superliga/ Dinamo me hap kampioni, fiton 2-1 kundër Egnatias dhe mbyll 2024 në krye! Tirana 'buzë greminës', Laçi e përmbys 3-1
21 Dhjetor, 18:29 -
Protesta e opozitës të hënën/ Zbardhet ‘skenari’, rrugët do të bllokohen! Berisha i pranishëm për herë të parë pas lirimit nga 'arresti shtëpiak'
21 Dhjetor, 17:51 -
Media italiane: Tirana surpriza e madhe turistike përtej Adriatikut
21 Dhjetor, 08:41 -
Superliga nis aktin e fundit për 2024, fitojnë Partizani dhe AF Elbasani! ‘Demat’ momentalisht në krye
20 Dhjetor, 22:15 -
Zgjedhjet e 2025/ Berisha i ankohet Këshillit të Diasporës për qeverinë dhe Sorosin: Gjyqe politike ndaj opozitës, qeveri teknike për garantimin e votës së emigrantëve
20 Dhjetor, 15:19 -
Berisha sulmon Dumanin dhe del kundër SHBA: E ka vendin në burg, amnistoi krimet elektorale, s'mund t'i zgjatet mandati! Merr 100 mln lekë në vit, mercenar i partisë
20 Dhjetor, 13:04
