'Mungesa e përqëndrimit s'falet', Edi Martini: Eliminimi nga Kupa më dhemb shumë

Teuta është jashtë Kupës së Shqipërisë, teksa Tirana i eliminoi në çerekfinale. Dueli pas 120 minutave u mbyll 1-1, ndërsa bardheblutë ishin më të saktë pas penalltive. Pas ndeshjes trajneri i durrsakëve, Edi Martini u shpreh i keqardhur për gabimet.

"Më erdhi keq për djemtë, kishim mundësi për ta mbyllur ndeshjen. E pësojmë në fund me një top të gjatë, është e pafalshme. Një mungesë përqendrimi në fund që nuk falet, aty kishim mbrojtës me eksperiencë, jo të rinj. Më vjen keq më shumë për atë gol të pësuar, nuk duhet të na ndodhë në mënyrë absolute ajo punë.

Më dhemb shumë, sepse do të ishim në katërshe. Edhe gjendja e lojtarëve do të ishte më e mirë. Gjithsesi ditën e hënë duhet të rikuperojmë forcat, duhet të vazhdojmë përpara sepse kampionati është shumë i gjatë dhe koha nuk pret", tha shkodrani për MCN.

LEXO EDHE:
Basketboll femra/ Flamurtari mund Tiranën, vlonjatet mbajnë gjallë shpresat për titullin kampion

Lajmi kryesor:

Kupa e Shqipërisë/ Tirana i falet portierit Kozi dhe penalltive, eliminon Teutën! Vllaznia 'shkërmoq' 6-1 Erzenin! 4 skuadrat gjysmëfinaliste

S.DH/Shqiptarja.com

TAG:
• Teuta
• tirana
• Erzeni
• Vllaznia
• kupa e shqiperise