Kush është Antonio Caci? Mbrojtësi që luan në Bundesligë dhe kërkohet nga Sylvinho

Kush është Antonio Caci? Mbrojtësi që luan në Bundesligë dhe kërkohet nga Sylvinho

Antonio (Anthony) Caci dhe Sylvinho

Antonio (Anthony) Caci është emri i fundit që lidhet me një kalim në kombëtaren shqiptare të futbollit. 26-vjeçari ka lindur në Forbach të Francës dhe ka luajtur edhe tre takime me ekipin e Francës, por në Lojërat Olimpike.

Pjesë e Mainz në Bundesligë, mbrojtësi i majtë ka kontratë deri në verën e 2026 me gjermanët teksa është i shumëkërkuar në treg. Interes për të ka edhe nga kombëtarja shqiptare.

Siç bëjnë me dije mediat online, Sylvinho dhe FSHF janë vënë pas mëngjarashit që luan si mbrojtës në fashën e majtë të fushës. Më 29 janar të këtij viti, trajneri Sylvinho ishte në stadium për ndeshjen Frankfurt 1-0 Mainz dhe të gjithë u habitën për këtë vizitë, pasi Brajan Gruda, i piketuar në atë kohë nga trajneri ishte i dëmtuar dhe nuk mund të luante.

Muaj më vonë mësohet se vizita e Sylvinhos nuk kishte lidhe ekskluzive me Grudën, por edhe me Anthony Caci. Tanimë në FSHF po kërkojnë të bindin mbrojtësin për të pranuar ftesën e Kombëtares, teksa janë në kërkim edhe të rrënjve të tij shqiptare.

Nga mbiemri, gjë që ka nxitur edhe interesimin, Caci duket me origjinë shqiptare, por edhe nëse një gjë e tillë nuk do ishte, askush nuk do e pengonte mbrojtësin që në bazë të dëshirës së tij të pajisej me pasaportën shqiptare dhe në të ardhmen të ishte konkurrenti i Mitaj për rolin e mbrojtësit të majtë.

I dalë nga moshat e Strasbourg, Caci ka luajtur deri në 2022 me ekipin e parë të francezëve dhe më pas kaloi në Bundesligë me Mainzin, aty ku në sezonin e fundit u paraqit në 33 raste, duke shënuar dy herë dhe asistuar në katër raste.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria luan ndaj Kroacisë sfida e dytë në Euro 2024, kush fiton?



×

Lajmi i fundit

Pse nuk je treguar më i ashpër me Berishën? Përgjigjet Basha: Politika nuk është tifozeri! Ata që shprehen kështu janë tutkunë

Pse nuk je treguar më i ashpër me Berishën? Përgjigjet Basha: Politika nuk është tifozeri! Ata që shprehen kështu janë tutkunë