Gjykata Kushtetuese ka arsyetuar vendimin për lënien në fuqi të masave kufizuese anti-COVID, duke rrëzuar kështu kërkesën e Partisë Republikane, e cila kërkonte lejimin e grumbullimeve, tubimeve, mbledhjeve partiake, dasmave etj., po nga ana tjetër gjykata urdhëroi qeverinë që të vendosë një afat se deri kur do të zbatohen këto masa. Padia e PR-së me në krye Fatmir Mediun është mbështetur edhe nga Partia Demokratike, e cila sfidoi rregullat mbrojtëse anti-COVID me mitingun e hapjes së fushatës.
Gjykata Kushtetuese arsyeton se ndalimi i grumbullimeve më shumë se 10 persona në kushtet e pandemisë është një masë e domosdoshme, e cila nuk cënon barazinë e partive në zgjedhje dhe nuk sjellë as trajtim preferencial për parti të caktuara, pasi masa ndaluese është e vlefshme për të gjitha subjektet politike dhe se lejohen grupimet deri në 10 persona, duke ruajtur distancën. Gjykata hedh poshtë pretendimin e Fatmir Mediut se masat anti-COVID i vendos partitë në kushte të pabarabarta, pasi urdhri nuk do të zbatohet vetëm nga opozita, por edhe nga mazhoranca.
“Të gjitha partitë politike, pa dallim, janë të detyruara të respektojnë kufizimin e vendosur nga akti i kundërshtuar dhe organet kompetente për dhënien e masave administrative duhet t’i zbatojnë ato njëlloj për të gjitha partitë politike. Rrjedhimisht, nuk mund tё thuhet se pjesëmarrja e partive politike në zgjedhje në kushte të barabarta cenohet për shkak të mënyrës së formulimit të urdhrit nr. 633/2020”, thuhet ndër të tjera në vendim.
Kushtetuesja ka hedhur poshtë edhe pretendimin se urdhri cenon lirinë e tubimit dhe të fjalës, duke theksuar se masat janë bazuar në ligj, për të mbrojtur popullatën nga sëmundjet infektive.
“Gjykata çmon se kufizimi nga urdhri i ministrit i së drejtës së tubimit, të lidhur me të drejtën e shprehjes, është i domosdoshëm në një shoqëri demokratike, pasi diktohet nga një nevojë urgjente shoqërore”, thuhet në vendim, duke iu referuar covid-19.
Por, në të njëjtën kohë, Gjykata Kushtetuese shprehet se çdo kufizim i të drejtave në vetvete duhet të ketë elementin e përkohshmërisë, duke kërkuar që për aplikimin e masave duhet të vendoset një afat.
“Gjykata vlerëson se akti i kundërshtuar nuk respekton kriterin e proporcionalitetit, sipas nenit 17 të Kushtetutës, për shkak të mosparashikimit të një afati të përcaktuar për kohëzgjatjen e masave kufizuese dhe për këtë shkak shprehja “gjer në një urdhër të dytë” duhet të shfuqizohet”, thuhet në vendim.
Ndërkaq, anëtarët Altin Binaj dhe Elsa Toska kanë shprehur një mendim ndryshe, duke mbështetur plotësisht urdhrin nr. 633/2020 të Ministres së Shëndetësisë për kufizimet anti-covid, përfshirë edhe mungesën e një afati për zgjatjen e masave. Dy anëtarët ishin të mendimit se kërkesa e Fatmir Mediut duhej rrëzuar në tërësi.
Vendimi i plotë i Kushtetueses për masat anti-covid
Komente
Lajme të tjera
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
Protesta e Berishës, Faik Basha: Rëndësi ka cilësia, jo numrat! Haklaj: Mosbindja civile, teatër! PD bllokoi rrugët, vepër penale
25 Dhjetor, 17:47 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31 -
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23
Nga ky vendim ndjehen te privilegjuar vetem partiçkat si puna edhe e PR te Medushit, qe nuk arrine te mbledhin as 10 persona ne fushate dhe lere pastaj ne kutite e votimit....
Përgjigju