Këngëtarja Lady Gaga ka qenë gjithmonë e hapur për sa i përket problemeve që ajo kalon në jetën e saj.

Kjo për faktin se ajo përpiqet që përmes eksperiencave të saj të japë mesazhe që mund t’i ndihmojë njerëzit që ndodhen në të njejtat rrethana.

Ajo gjatë vizitës në strehën e të rinjve të LGBT-së në New York ka folur edhe një herë për sëmundjes e saj.

Ylli i muzikës pop ka folur për betejën e saj, me çrregullimin e stresit post-traumatik. Ajo ka rrëfyer më parë se është përdhunuar kur ishte adoleshtente dhe kjo ngjarje sigurisht që ka lënë shenjë në jetën e saj përgjithmonë. 
 
“Unë dua t’ju  jap njerëzve ato gjëra që ata nuk i kanë. Këta fëmije të pastrehë  kanë qenë të refuzuar në një lloj mënyre. Trauma në jetën time më ka ndihmuar të kuptojë traumën e të tjerëve. Unë kam qenë dhe jam  në kërkim të mënyrave për të shëruar veten. Kam gjetur se mirësia është mënyra më e mirë. E një mënyrë për të ndihmuar njerëzit që kanë trauma është injektimi i tyre me mendime sa më shumë pozitive të jetë e mundur,” tha Gaga.

Redaksia Online
XH.K/Shqiptarja.com