Impianti i përpunimit të mbetjeve në Fier nuk do të ndërtohet në fshatrat Mbyet, Plyk dhe Portez.
 
Firma që fitoi projektin kërkoi që impianti i përpunimit të mbetjeve të ndërtohet në një zonë tjetër, pasi terreni në këto tre fshatra është i papërshtatshëm.
 
Në mbledhjen e këshillit bashkiak të Fierit, firma që fitoi projektin kërkoi që impianti i përpunimit të mbetjeve të ndërtohet në një zonë tjetër.
 
Gjatë mbledhjes nuk munguan as përplasjet mes këshilltarëve të djathtë dhe atyre të majtë.
 
Këshilli bashkiak vendosi ngritjen e një komisioni që do të shqyrtojë mundësi të tjera larg zonave të banuara për ndërtimin e impiantit.
 
Prej një muaji banorët e këtyre fshatrave kanë protestuar kundër ndërtimit të landfillit.
 

Redaksia Online
Al.N/Shqiptarja.com