POP 5

Lajmet më të lexuara të 5 minutave të fundit

Sport

Liga e Kombeve/ Sfida e nesërme me Çekinë, Sylvinho: Kemi përballë një skuadër të fortë, por do futemi për rezultat! E kam mbyllur formacionin

Tekniku brazilian del në konferencë për sfidat e radhës të kuqezinjve: Kemi një sfidë të vështirë. Luajmë përballë një skuadre të fortë dhe të ashpër, ne do të futemi në fushë për të dhënë më të mirën. Kishim pak kohë për t’u përgatitur, deri më tani e kemi mbyllur formacionin

Liga e Kombeve/ Sfida e nesërme me Çekinë, Sylvinho: Kemi përballë një skuadër të fortë, por do futemi për rezultat! E kam mbyllur formacionin

Tekniku Sylvinho në konferencën për shtyp

Teksa kuqezinjtë përgatisin dy ndeshjet e radhës eliminatore për Ligën e Kombeve, me një pozicion jo dhe aq të favorshëm në tabelë aktualisht, sot në mbrëmje doli për konferencë shtypi edhe tekniku brazilian i kombëtares, Sylvinho.

Ekipi do të nisë sfidën e tretë në rrugëtimin e tyre, në UEFA Nations League, ku ashtu si në edicionin e kaluar janë pjesë e Ligës B. Kësaj radhe, kuqezinjtë do të kenë përballë Republikën Çeke.  

Sylvinho foli për vështirësinë e madhe që sfida e të premtes ka, si dhe për përgatitjen e fortë për të marrë rezultat pozitiv, pasi luhen dy takime jashtë vendit.

“Kemi nesër një sfidë të vështirë. Luajmë përballë një skuadre të fortë dhe të ashpër. Ka tranzicione shumë të shpejta, Cerny është një prej tyre, sulmuesi i tyre është një sulmues i fortë, megjithatë ne do të futemi në fushë për të dhënë më të mirën”, tha ai.

Më tej shpjegoi edhe vështirësitë teknike dhe mungesën e kohës:

“Puna e Kombëtare është e vështirë. Kishim pak kohë për t’u përgatitur për dy transferta të vështira, megjithatë deri më tani e kemi mbyllur formacionin. Na pret një lojë e bukur, një ambient i bukur, kemi realizuar disa stërvitje dhe duhet të futemi në fushë për të arritur rezultat maksimal”.

Tekniku brazilian shpjegoi edhe zgjedhjet e tij teknike, ndërsa kuqezinjve i mungojnë edhe shumë lojtarë të dëmtuar aktualisht, që s’do jenë pjesë e dy sfidave të Tetorit.

“Një muaj më parë kishim Manajn në sulm por jo Dakun, tani kemi Dakun dhe jo Manajn. Në ndeshjet e shtatorit Manaj ishte disi i lodhur në ndeshjen e dytë të shtatorit dhe kjo gjë vuri menjëherë stafin mjekësore në lëvizje. Puna e Kombëtares, siç thashë, është një punë e vështirë. Duhet të analizojmë një listë me 60 lojtarë. Këtë herë ftuam Tuçin, është një lojtar shumë i fortë si fizikisht edhe teknikisht”, u shpreh ai ndër të tjera.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A justifikohen aktet e dhunes gjatë një proteste politike?

Lajme të tjera



×

Lajmi i fundit

Gjermania, 93,39 milionë euro Shqipërisë për zhvillimin e sektorëve prioritarë

Gjermania, 93,39 milionë euro Shqipërisë për zhvillimin e sektorëve prioritarë

10 Tetor, 22:14