Mallakastër- Zbardhen detaje nga ngjarja tronditëse e ndodhur në Mallakastër, ku një vajzë e mitur, vetëm 16 vjeçe, ka sjellë në jetë një foshnjë para katër ditësh (e hënë 9 Shtator).
Mësohet se nëna e re e ka lindur fëmijën në Qendrën Shëndetësore të Fratarit dhe më pas për shkak të komplikacioneve të shfaqura është dërguar nga familja në Maternitetin e qytetit të Fierit.
E mitura sipas dëshmive të mbledhura, e ka kryer lindjen e asistuar nga infermierja dhe mjeku i qendrës, por më tej shfaqi probleme shëndetësore dhe u dërgua bashkë me foshnjën e sapolindur në maternitet. Aty është raportuar dhe referuar informacioni edhe në Policinë vendore, e cila për shkak të Kodit Penal dhe ligjit, nisi menjëherë verifikimet dhe hetimet (rast i ngjashëm me 14-vjeçaren në Korçë).
Pas verifikimeve rezultoi se vajza kishte pasur marrëdhënie seksuale me një 31-vjeçar nëntë muaj më parë, fryt i të cilës dyshohet se është edhe fëmija. Policia konfirmoi se tani ka shpallur në kërkim të riun me inicialet B.H., për kryerje të marrëdhënieve seksuale me të mitura. Policia po e heton si abuzimin seksual për shkak të moshës së vajzës.
Tani e mitura dhe foshnja mësohet se gëzojnë shëndet të plotë pas ndihmës mjekësore, por rasti ka tronditur mjekët e Maternitetit, të cilët referuan ngjarjen në polici. Në kohën e ngjarjes vajza rezulton se ishte vetëm 15 vjeçe dhe në deklarime ka pranuar se ka kryer marrëdhënie seksuale me dëshirë. Nëna e saj ka qenë në dijeni dhe ka ndjekur shtatëzaninë deri në dërgimin në spital.
Mjekët thanë se e mitura është shtatvogël dhe foshnja e saj lindi me peshë 2,3 kg. Psikologë të Komisariatit dhe Maternitetit të Fierit po asistojnë qëndrimin dhe marrjen në pyetje të vajzës, që gjithashtu do hetohet bashkë me familjarët për faktin se nuk kanë treguar më herët apo raportuar.
Kështu e parashikon edhe procedura e Kodit Penal për të tilla raste.
E mitura u ka treguar fotot e 31-vjeçarit efektivëve të policisë, si dhe identitetin e tij, por nuk ka dhënë sqarime të hollësishme duke kërkuar kohë për t’u qetësuar. Në deklarimet e para e ëma e vajzës ka thënë se nuk do ta mbajë foshnjën, madje ka kërkuar të largohen bashkë me vajzën, duke e lënë vogëlushen e sapolindur në maternitet.
Por stafi mjekësor i ka kërkuar të presin për të dërguar foshnjën në një qendër të posaçme për foshnjat e sapolindura në Tiranë. Aty do të qëndrojë për 40 ditë. Nëse edhe pas kësaj kohe fëmija nuk pranohet nga familja, do dërgohet në një institucion kujdesi.
E mitura jeton me të ëmën, vëllanë 19-vjeçar dhe gjyshin në Fratar të Mallakastrës, ndërsa i ati është emigrant në Greqi. Nëna mungon në pjesën më të madhe të kohës në shtëpi, pasi punon si kujdestare për një të moshuar.
Lajme të tjera
-
Moti i keq në Fier/ Disa fshatra pa energji elektrike
22 Nëntor, 18:51 -
Moti i keq në Lushnjë/ Rrugët kryesore në pushtetin e ujit! Ndërprerje e energjisë elektrike në qytet dhe zona rurale (VIDEO)
22 Nëntor, 18:29 -
Komedia ‘Ëndërr në papafingo’ në skenën e Teatrit të Fierit! Regjisori Leka Bungo: Trajton familjen socialiste në vitet ‘70
22 Nëntor, 18:12
-
Masat pas vrasjes së Martinit, shqiptarët në shumicë dërrmuese pro mbylljes së TikTok e Snapchat! Fieri nis blerjen e kamerave për kopshtet e shkollat
22 Nëntor, 17:00
-
Lushnjë-Rrogozhinë/ Makina me shpejtësi del nga rruga dhe përplas dy mjetet e parkuara para hotelit, s’ka të lënduar! Policia ndalon drejtuesin, shkak dyshohet edhe lagështia
22 Nëntor, 16:58 -
Po transportonin emigrantë drejt Shkodrës, 5 të arrestuar, braktisën mjetin pasi panë policinë
22 Nëntor, 12:40 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Vendimi i Këshillit të Ministrave/ Rikonstruksioni i linjës 110 kV Ballsh-Marinëz dhe Ballsh–Drenovë, miratohet fondi për shpronësimin e pronarëve
20 Nëntor, 22:14 -
Aksident në aksin Petovë-Libofshë/ Makina përplaset me motorin, 1 në gjendje të rëndë! Dërgohet drejt Traumës
20 Nëntor, 18:23 -
Fier/ Vrasja me thikë e 20-vjeçarit nxënës te ‘Petro Sota’, familjarët kërkojnë hetime më të thelluara: Gjykata të kthejë dosjen në prokurori
20 Nëntor, 17:49
-
VIDEOLAJM/ ‘Dielli i Zi’ në Roskovec, spektakli magjepsës i zogjve shtegtarë
20 Nëntor, 15:05
-
Nëna denoncon në media: Kanë tentuar të më rrëmbejnë fëmijën 11-vjeç! Policia sqaron situatën për Report tv: Është trembur!
19 Nëntor, 15:30
