Rreth 100 vite burg për 12 shqiptarë. Ky është vendimi i drejtësisë britanike për trafikantët shqiptarë të drogës, të cilët furnizonin me kokainë kryeqytetin anglez.
 
Operacioni antidrogë nisi një vit më parë, kur oficerët e policisë në Midlands-in Lindor, gjetën një rreth 7 kg kokainë të pastër e klasit të parë, që po transportohej nga Northamptonshire në Nottinghamshire, në Londër. Kokaina, sipas policisë britanike, ishte e Mirjan Kolës, Blerim Agës dhe 12 pjesëtarëve të tjerë të grupeve të tyre kriminale, të cilët të gjithë sëbashku janë dënuar me gati një shekull burg.
 
Policia britanike zbuloi se banda e Mirjan Kolës furnizonte me kokainë atë të Blerim Agës në Nottinghamshire, të cilën më pas  shisnin dhe e shpërndanin në rrugë.
 
Si rezultat i hetimit, oficerët konfiskuan më shumë se 7 kg kokainë, me një vlerë të mundshme prej rreth 1 milion paund, gjysmë kilogram kanabis, me vlerë më shumë se 7,500 paund, sasi ketamine, MDEC (projektuesi i drogës ethalon) dhe morfinë. Në një zbulim të shtrirjes së aktiviteteve të paligjshme të grupit u gjetën gjithashtu dhe një armë, çanta për shpërndarjen e kokainës, dokumente false identiteti dhe më shumë se 63,000 paund. Kola, Aga dhe 12 nga furnizuesit e rrjetit të tyre të shpërndarjes së drogës, u dënuan në gjykatën e Nottingham Croën në datat 22, 23 dhe 30 shtator 2016.
 
Shqiptarët e dënuar:
 
Mirjan Kola
Mirjan Kola
Mirjan Kola, 26 vjeç, nga Brownlee në Wootton, Northamptonshire, u shpall fajtor për bashkëpunime kriminale dhe furnizim me kokainë. Dënimi: 14 vite.
 
blerim aga
Blerim Aga
Blerim Aga, 31 vjeç, nga Dennis Avenue në Beeston, Nottinghamshire, u shpall fajtor për bashkëpunime kriminale dhe furnizim me kokainë. Dënimi: 12 vite.
 
rudin gripshi
Rudin Gripshi
Rudin Gripshi, 43 vjeç, u shpall fajtor për bashkëpunime kriminale dhe furnizim me kokainë. U dënua gjithashtu dhe për një çështje të një natyre të ngjashme në Bristol. Dënimi: 13 vite e katër muaj.
 
Dritan Xhixha
Dritan Xhixha
Dritan Xhixha, 30 vjeç, nga rruga Gainsborough në Corby, Northamptonshire, u shpall fajtor për bashkëpunime kriminale, furnizim me kokainë dhe posedimin e një dokumenti për qëllime të pahijshme. U dënua gjithashtu dhe për çështje të tjera të një natyre të ngjashme në Bristol. Dënimi: 6 vite dhe 8 muaj.
 
Shkëlqim Hoti
Shkëlqim Hoti
Shkëlqim Hoti, 45 vjeç, nga Greenfield Avenue në Northampton, u shpall fajtor për bashkëpunime kriminale dhe furnizim me kokainë. Dënimi: 5 vite.
 
Bekim Hareni
Bekim Hareni, 20 vjeç, u shpall fajtor për bashkëpunime kriminale dhe furnizim me kokainë. Dënimi: 4 vite në institutin e të rinjve.
 
Mirfat Muleshku
Mirfat Muleshku, 20 vjeç, nga rruga Leighton në Sneinton, Nottingham, u shpall fajtor për bashkëpunime kriminale, furnizim me kokainë dhe posedimin e një dokumenti për qëllime të pahijshme. Dënimi: 10 vite e 8 muaj.
 
Mentor Gashi
Mentor Gashi, 35 vjeç, nga Rosgill në Northampton, u shpall fajtor për bashkëpunime kriminale dhe furnizim me kokainë. Dënimi: 6 vite.


Redaksia Online
l.q/Shqiptarja.com