Në përpjekje për të vënë nën kontroll pandeminë , pas rritjes së theksuar të rasteve javën e kaluar disa vende evropiane janë detyruar të shtrëngojnë masat kufizuese. Duke nisur nga dita e sotme Finlanda nuk ka hezituar në futjen e kufizimeve të reja si mbylljen e bareve dhe restoranteve. Të njëjtat masa po vendosen në Hungari, e cila është përballur me një rritje të rasteve, shkollat, si dhe shumica e dyqaneve dhe bizneseve, do të mbyllen.
Në Francë, një pjesë e veriut të vendit përjetoi fundjavën e saj të parë nën izolim, një masë që do të zgjasë për katër javë për të përmbajtur variantin britanik të koronavirusit i cili ka qenë veçanërisht i përhapur në rajonin Pas-de-Calais.
Italia ka forcuar kufizimet në disa rajone për shkak të rritjes së numrit të koronavirusit. Shumë shkolla do të mbyllen përsëri duke filluar nga sot dhe restorantet në zonat e prekura nuk do të hapen për klientët. Rajoni turistik jugor i Kampanjas, që përfshin Napolin dhe bregdetin amalfitan, tani është rajoni i tretë i vendit me 60 milionë banorë që bëhet një zonë e kuqe.
Ndërkohë që shkollat janë hapur sërish në Britaninë e Madhe ndërsa Gjermania ka lejuar rihapjen e shumë bizneseve që nga e hëna. Kthimi i rreth dy milion nxënësve në klasa në Angli vjen pas një mbyllje dy-mujore dhe është një hap vendimtar në planin e qeverisë britanike për të dalë me në mënyrë graduale nga bllokimi i tretë. Qeveria ka thënë se do të jetë e mundur që gjashtë persona të takohen në ambiente të hapura nisur nga data 29 Mars. Baret, restorantet dhe dyqanet jo-thelbësore duhet të jenë në gjendje të rihapen nga 12 Prilli.
Në Gjermani, libraritë, luleshitësit dhe autoshkollat janë rihapur në disa rajone dhe tani janë në gjendje të mirëpresin vizitorët në të gjithë vendin. Sidoqoftë, shumë njerëz e konsiderojnë procesin e vaksinimit shumë të ngadaltë, me vetëm pesë përqind të popullsisë që kanë marrë vaksinat e para.
Lodhja e publikut dhe madje zemërimi ndaj kufizimeve po bën që disa qeveri të jenë jashtëzakonisht të kujdesshme ndërsa marrin parasysh hapat e ardhshëm. Në Greqi, pakënaqësia çoi në përplasje të Dielën midis policisë dhe banorëve. Policia përdori gaz lotsjellës për të shpërndarë rreth 500 njerëz të cilët ishin mbledhur në një shesh lokal për të protestuar. Videot e një polici që dhunon një të ri me shkop u bënë virale.
Lajme të tjera
-
Evropa duhet të reagojë pas fitores së Trumpit
18 Nëntor, 07:44
-
Alban Daci: Trump dhe Europa!
13 Nëntor, 14:08
-
Orban paralajmëron: Nëse Trump fiton zgjedhjet në Amerikë, Evropa duhet të rimendojë ndihmën për Ukrainën
3 Nëntor, 16:01 -
Evropë, rritja e të djathtës ekstreme nxit debatin mbi migracionin
3 Tetor, 16:01 -
Antonio Tajani: Të përshpejtojmë integrimin e Ballkanit, s’mund t’i lëmë të presin
10 Shtator, 16:13 -
21 korriku, dita më e nxehtë e regjistruar ndonjëherë
24 Korrik, 12:35 -
Pas rritjes së kërcënimi të një lufte me Rusinë, Evropa i kthehet rekrutimit ushtarak
21 Korrik, 16:51 -
Hungaria dhe Serbia pritet t’i shtrojnë tapetin e kuq udhëheqësit kinez Xi
7 Maj, 21:01 -
Si gangsterët e Ballkanit u bënë furnizuesit kryesorë të Europës me kokainë
4 Maj, 18:04 -
Ekonomia e Europës po goditet nga të gjitha anët Në fillim Putin, tani Xi. Më pas Trump? Shkruan The Economist
28 Prill, 07:45 -
Gara e Europës në Inteligjencën Artificiale
21 Prill, 08:50 -
Kryeministri polak Donald Tusk: Evropa ka hyrë në epokën e paraluftës, nuk kam parë situatë të tillë që nga 1945
30 Mars, 13:05
