Në përpjekje për të mbajtur nën kontroll valën e re të infeksioneve me Covid-19, Gjermania vendosi që masat kufizuese të vijojnë të mbeten në fuqi të paktën deri në 10 janar. Kancelarja Angela Merkel dhe kryeministrat e landeve vendosën, që të shtyhen masat kufizuese për popullsinë për shkak të pandemisë, ndërkohë që në 4 Janara do të merren masat e reja.
Çka do të thotë se restorantet, baret, palestrat do të vijojnë të qëndrojnë të mbyllura dhe gjatë vitit të ri do të reduktohen kontaktet mes qytetarëve, ndonëse pritet që disa kufizime të lehtësohen për Krishtlindje. Federata dhe landet duan të përgatiten për fillimin e shpejtë të vaksinave ndaj koronavirusit. Instituti Robert Koch-Institut (RKI) brenda 24 orëve të fundit njoftoi për 487 raste vdekjesh nga koronavirusi. Kjo është shifra më e lartë ditore që nga fillimi i pandemisë, megjithatë janë shënuar rënie e rasteve të reja.
Austria nga ana tjetër ndonëse ndodhet në izolimin e dytë nuk po arrin të ketë një përmirësim të situatës, rreth 5 mijë raste të reja regjistrohen çdo ditë por sidoqoftë shteti alpin ka vendosur të lehtësojë disa masa duke përfshirë rihapjen e shkollave të hënën.
“Po planifikojmë që nga 7 dhjetori të rihapen shitësit me pakicë, sallonet, muzetë, bibliotekat,” – u shpreh kancelari i Austrisë, Sebastian Kurz. Ndërkohë që është ndër të paktat vende të BE, që planifikon të lejojë sportet dimërore gjatë festave të fundvitit.
Edhe politikanët e Spanjës më në fund kanë rënë dakord për kufizimet gjatë Krishtlindjes. Udhëtimet midis rajoneve do të lejohen vetëm për të vizituar familjen, por jo udhëtime pushimesh.
Numri i njerëzve që lejohen të takohen rritet nga gjashtë në dhjetë dhe kjo vlen vetëm në prag të Krishtlindjes dhe për Vit të Ri.
Ndërkohë që në Rusi, Vladimir Putin urdhëroi autoritetet ruse që nga java tjetër të nisin vaksinimin masiv vullnetar të popullsisë. Vendimi i Kremlinit erdhi pas publikimit të rezultateve të të efektivitetit të vaksinës së saj Sputnik V , e cila rezultoi të ishte efektive.
“Unë e di që më shumë se dy milion doza të vaksinës së parë të regjistruar në botë kundër infeksionit të koronavirusit, Sputnik V, janë prodhuar tashmë ose do të jenë gati në ditët e ardhshme. Kjo na jep mundësinë të fillojmë nëse jo në masë, atëherë të paktën të nis vaksinimi në shkallë të gjerë - dhe natyrisht, siç kemi rënë dakord, para së gjithash të nis me dy grupet e rrezikut: mjekët dhe mësuesit,” – tha Vladimir Putin.
Lajme të tjera
-
Agjencitë e inteligjencës në SHBA të ndara për origjinën e koronavirusit
25 Qershor 2023, 14:09 -
Rikthehen viruset tek fëmijët pas pandemisë
19 Qershor 2023, 08:14 -
COVID-19, Organizata Botërore e Shëndetësisë shpall fundin e emergjencës globale! Vlerësimi: 20 mln njerëz humbën jetën
5 Maj 2023, 16:17 -
Gjermanët padi për dëme të shkaktuara nga vaksinat ndaj COVID
13 Prill 2023, 08:24 -
Korrupsion me respiratorët gjatë pandemisë 'Covid 19', kryeministri i Federatës së Bosnjës dënohet me 4 vite burg
5 Prill 2023, 11:01 -
Shëndetësia/ Meta: Pandemia e provoi dështimin e qeverisë, falsifikuan shifrat! Ne do të rrisim me 50% pagat për ‘bluzat e bardha'! 5% financim të GDP për buxhetin
31 Mars 2023, 11:25 -
OBSH i kërkon Kinës të publikojë të gjitha të dhënat e lidhura me origjinën e COVID-it
18 Mars 2023, 21:11 -
SHBA pritet të ndërpresë testimin e detyrueshëm për COVID-19 për udhëtarët nga Kina
8 Mars 2023, 14:08 -
A e ka virusi Corona origjinën nga laboratori?
4 Mars 2023, 21:11 -
Origjina e virusit mbetet ende mister dhe tre vjet pas pandemisë
28 Shkurt 2023, 20:18 -
Eduard Zaloshnja: Efekti i epidemisë dhe luftës në Ukrainë tek çmimet e konsumit
27 Shkurt 2023, 15:13
-
OKB: Shqetësime të mëdha për shkak të trafikimit të qenieve njerëzore
25 Janar 2023, 07:47
