Pas mbledhjes me kryetarët e rretheve të Partisë Demokratike, Lulzim Basha ka pasur një përkujdesje të veçantë edhe për gazetarët. Duke parë njërin prej tyre, atë të News24 që po i dridhej dora, kryedemokrati i mori mikrofonin nga dora gazetarit.
“Po të dridhet mikrofoni nga i ftohti, ma jep mua këtu, e mbaj unë… lëshoje, lëshoje, e mbaj unë se po dridhesh… frikë nuk ke pse të kesh, frika vdiq më 16 shkurt”, i tha Basha gazetarit.
Ndoshta kryedemokrati Basha paska dëshirë dhe profesionin e gazetarit, apo thjesht ka qënë një përkujdesje për pritjet e gjata që u ka servirur së fundi atyre. Por në fund mikrofoni i gazetarit të News24 që po dridhej është mbajtur nga gazetari i Report Tv.
E megjithatë Basha nuk ka harruar të bëjë kërcënime për ata gazetarë që nuk qeshin me batutat e Lulzim Bashës dhe sipas tij, bëjnë "plane të zeza me Edi Ramën". Sipas tij ata, dhe jo gazetari që dridhej nga i ftohti duke pritur të shtunën pasdite deklaratat e Lulzim Bashës, duhet të kenë frikë.