Manastirliu: Do marrim dhe 300 mijë teste të tjera të shpejta! Nuk do zëvendësojnë testet PCR

Ministrja Manastirliu deklaroi se Shqipëria synon që të marrë dhe 300 mijë teste të shpejta që do të ndihmojnë në evidentimin e rasteve me COVID.

Ajo tha se ato nuk do të zëvendësojnë testimet aktuale por do të ketë një kombinim në përdorim.

"Qeveria shqiptare që në krye të herës është angazhuar në disa drejtime për të pasur akses në vaksinën efektive. Aktualisht kemi realizuar disa hapa. Hapi kryesor është angazhimi financiar me COVAX. Është bërë parapagimi në vlerën 3.9 mln dollarë. Është një proces negocimi me shumë kompani që janë duke ofertuar për sa i përket procesit të vaksinave. Jemi duke vlerësuar në disa drejtime, qoftë me shtete të BE dhe në mënyrë të drejtëpërdrejtë me ta mundësinë për të bërë të disponueshme. Kemi siguruar në fazën e parë 100 mijë teste. Jemi në procedurë për të siguruar 300 mijë teste në vijim. Nuk do ketë vetëm testime të shpejta të antigenit por ndërthurje me testimet aktuale" - tha Manastirliu.

LEXO EDHE:
Interpelanca/ Xhixho: ‘Pisa 2022’ tregoi gjendjen e arsimit! Manastirliu: Pagat janë rritur, kushtet e punës më të mira

Lajmi kryesor:

COVID-19, Manastirliu: Kemi 100 mijë teste të shpejta! Nga e hëna fillon përdorimi në Tiranë, nga 20 dhjetori në spitalet rajonale! Silva Bino: Efikasitet gati 100%

E.M./r.k./Shqiptarja.com

TAG:
• ogerta manastirliu
• koronavirusi ne shqiperi