POP 5

Lajmet më të lexuara të 5 minutave të fundit

Sociale

Manastirliu në pikën e re shëndetësore në periferi të Tiranës: Shërbime sociale brenda qendrave shëndetësore

Pika e rehabilituar e ambulancës 10/1, ofron shërbim cilësor për 39 mijë banorë të Njësive Administrative 3 dhe 4 në Tiranë

Një tjetër qendër shëndetësore në kujdesin parësor është rehabilituar me fondet e buxhetit të shtetit, duke siguruar shërbim cilësor për 39 mijë banorë të Njësive Administrative 3 dhe 4, në periferi të Tiranës. Ministrja e Shëndetësisë dhe Mbrojtjes Sociale, Ogerta Manastirliu, pa nga afër këtë investim, ku deklaroi se investimet afër komunitetit do të vazhdojnë për të garantuar mbulimin shëndetësor universal. 

“Investojmë në zemër të komunitetit, për të garantuar akses në shërbime aty ku qytetarët jetojnë, afër vendbanimit. Ambulanca 10/1 në këtë zonë periferike, ku nuk investohej prej 20 vitesh, sot siguron jo vetëm kushte më të mira infrastrukture por edhe shërbime të reja si ofrimi falas i testit për depistimin e kancerit të qafës së mitrës si dhe Kontrollin Mjekësor Bazë” – deklaroi ministrja. 
Ministrja e Shëndetësisë dhe Mbrojtjes Sociale, Ogerta Manastirliu deklaroi se do të ketë për herë të parë një ndërthurje të shërbimeve sociale dhe shëndetësore.

“Strategjia e re e kujdesit parësor që prezantojmë së shpejti, do të mundësojë ofrimin edhe të shërbimeve sociale, brenda qendrave shëndetësore, në shërbim të komuniteteve më vulnerabël”, tha Manastirliu.

Për vitin 2018 u rehabilituan dhe u mobiluan me pajisje të reja mjekësore vetëm në bashkinë e Tiranës u rehabilituan 15 qendra shëndetësore. Për vitin 2019 do të investohen për rehabilitimin dhe mobilimin me pajisje të reja mjekësore për 100 qendra shëndetësore dhe ambulanca në të gjithë Shqipërinë, nga ku do të përfitojnë rreth 450 mijë qytetarë.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Durrësi në terr, ndërpritet energjia elektrike në qytet (VIDEO)

Durrësi në terr, ndërpritet energjia elektrike në qytet (VIDEO)

5 Janar, 18:11