Manastirliu: Urgjenca Kombëtare me standard të ri, 100 sete mjekësore për autoambulancat në terren

Ministrja e Shëndetësisë dhe Mbrojtjes Sociale, Ogerta Manastirliu, në kuadër të modernizimit të urgjencës kombëtare, ka prezantuar 100 autoambulanca me mjete të reja jetëshpëtuese. Në fjalën e saj, Manastirliu deklaroi se në 6 muajt e parë të këtij viti është rritur me 14% mbulimi i territorit me autoambulanca dhe se brenda vitit do të sigurohen edhe 32 të reja.

Prezantojmë sot një risi, 100 autoambulanca në territor janë pajisur me sete mjekësore moderne, ndërsa shërbimi i urgjencës mjekësore tashmë ka uniforma të standartizuara. E kemi filluar nga Urgjenca e Tiranës dhe Njësia e Koordinimit, për të vijuar me Durrësin dhe me të gjithë Shqipërinë. Brenda vitit do të kemi 32 autoambulanca të reja, moderne, plotësisht të pajisura me mjetet jetëshpëtuese: defribilator, bombula oksigjeni, aspirator, etj- që padyshim do të sjellin një cilësi të re shërbimi për qytetarët.

Ogerta Manastirliu

Gjatë aktivitetit, ministrja Manastirliu u ndal edhe tek koordinimi i shërbimit të urgjencës gjatë sezonit turistik.

LEXO EDHE:
‘Arsimi në ditët e tij më të këqija’/ Deputetja Xhixho kërkon interpelancë me Manastirliun: Dështim i qeverisë dhe ministrisë së Arsimit

Që prej hapjes së 26 qendrave shëndetësore verore 17,364 pushues kanë marrë shërbim mjekësor dhe 510 prej tyre e kanë marrë shërbimin me autoambulancë në zonat turistike nga një staf i kualifikuar.

Ogerta Manastirliu

Në fund, Manastirliu deklaroi gjithashtu se investimet do të vijojnë duke mos u përqëndruar vetëm në urgjencën paraspitalore por edhe në urgjencat e spitaleve në rretheve.

TAG:
• ogerta manastirliu

Sondazhi i ditës:

A po jep rezultate lufta e SPAK ndaj grupeve kriminale?

• Po

  74.3%

• Jo

  18.8%

• Nuk e di

  6.9%

Vota total: 3885

Votat totale janë unike

• Sondazhi i ditës:

  A po jep rezultate lufta e SPAK ndaj grupeve kriminale?

  Po Jo Nuk e di