Manja në Report Tv: Agron Neza festoi Vitin e Ri me njerëzit e Berishës! Revolucioni opozitës mund të jetë edhe lobim rus?

Ministri i Drejtësisë, Ulsi Manja ka bërë të ditur sot në Report Tv, se shumë shpejt në Komisionin e Ligjeve do të merret nisma e re për burrat që dhunojë gratë, ku do të hiqet njëherë e mirë gjykimi i shkurtuar. Kjo deklaratë e Manjës vjen pas ngjarjes horror që ndodhi mbrëmjen e djeshme në kryeqytet, ku humbën jetën tri gra nga Dan Hutra, një ish i dënuar, por i liruar disa herë për arsye që ende janë “mister”.

‘Personalisht së bashku me ish kolegen time Vasilika Hysi kemi tentuar të marrim një nismë ligjore për një ndryshim në kodin e procedurës penale dhe besoj see do ta vëmë në lëvizja duhet një ndryshim në kodin  e procedurës penale që personat që akuzohen për dhunë në familje nuk duhet të përfitojnë nga gjykimi i shkurtuar. Gjykimi i shkurtuar është një benefit që ta jep ligji kur ti pranon fajësinë apo kur ti pranon që të gjykohesh me gjendjen që janë provat dhe si benefit kodi i procedurës penale, ligji jonë i jep të drejtën me uljen e masës së dënimit me 1/3. Si qenkemi bërë për personat që akuzohen për vepra që kodi penal ka burgimin e përjetshëm këtë masë procedurale do të duhet ta ndërmarrim ne si ligjvënës edhe për personat që akuzohen për dhunë në familje, nuk kanë pse ta përfitojnë këtë benefit ligjor. Ndoshta kjo mund të ishte një nga masat paraprake që ne si ligjvënës duhet të ulemi dhe ta marrim në konsideratë.’- tha Manja.

Ministri i Drejtësisë Ulsi Manja, u shpreh se vrasjet e 21 janarit ende nuk janë zbardhur, ndërsa shtoi se ato ishin vrasje në bashkëpunim. Sipas Manjës, nëse zyrtarë të lartë politik janë implikuar çështjen duhet ta marrë në shqyrtim SPAK.

‘Çështja e 21 janarit është ende e pazbardhur. 21 janari sapo është hapur. Është vrasje në bashkëpunim. Kushdo mund ta kishte vrarë. Kanë përgjegjësi të reagojnë bashkë me ne për atë që dëgjuan sot. Është një debat, duhet të kërkojnë të gjithë ne emër të drejtësisë të zbardhet 21 janari. Këto të gjitha do të duhet që ti hetojë drejtësia. Do të duhet të ketë një vendimmarrje e cila do të duhet ta vërë gishtin mbi plagë.  Nëse zyrtarë të lartë politik dalin të implikuar çështja duhet ti shkojë SPAK. Unë se mendoj dot se ish-komandanti ka vepruar në kokën e vet, kur dihet që në godinë kanë qenë zyrtarët me të lartë ët shtetit Berisha dhe Basha. Kjo ngjarje do të duhet të hetohet me gjithë dimensionin e vet. U tentua që të vritet shpirti i protestës në këtë vend. Ne i kemi dhënë jetë protestave në këtë vend. Kur kam dëgjuar sot atë audiopërgjim, më është kujtuar vetja se viktimë e atij urdhri mund të ishte kushdo prej nesh.’- u shpreh Manja.

Ministri i drejtësisë Ulsi Manja, thotë se i vetmi interes që ka mazhoranca për seancën që do të zhvillohet nesër në Apel për vulën e PD-së është vetëm për faktin se kë do të kenë përballë ato në zgjedhjet lokale të 14 majit. 

'Ne kemi një datë 14 majin! Ku qytetarët na presin të shkojmë me një ofertë. Se kuptoj trajektoren e opozitës në Kuvend. Se di për kë po e bëjnë luftën. Ato duhet të kontrollojnë shumicën, kur ka një opozitë të fortë që vjen me një vizion dhe alternative sigurisht dhe mazhoranca është më e përgjegjëse. Në sot bëjmë dhe opozitën dhe qeverisjen. Ju e dini shumë mirë se brenda mazhorancës, më opozitë bëjmë ne për veten se opozita që kemi. I vetmi inertes i yni për nesër është të dimë kush do të jetë përballë nesh më 14 maj. Duam një opozitë, kushdo të jetë kjo opozitë e duam përballë me 14maj. Të regjistrohemi në KQZ të regjistrojmë dhe listat e këshilltareve e secili të shkojë me ofertën e vet. Se kush e merr vulën si intereson fare kësaj mazhorance. Duam opozitën të vijë në sheshin e Mejdanit.  Nesër gjykata do të japë fjalën e vet dhe unë këtu dua ta ndaloj përgjigjen time.’- tha Manja.

Ministri i Drejtësisë Ulsi Manja në një intervistë për Report Tv u shpreh se Dan Hutra, autor i masakrës së trefishtë dje në Tiranë, pasi vrau tre gra dhe plagosur tre të tjera, është simpatizant i flakët i Sali Berishës. Manja i ftuar në emisionin ‘Kontrast’ në Report Tv’, tha se ndryshe nga ajo që thotë Berisha se është patronazhist, ai në fakt është aktivist i PD-së.

‘E vërteta tjetër ka të bëjë me një ngjarje tragjike që ka ndodhur dje. Nga një person që ka shumë probleme me drejtësinë. Sali e hedhi i pari në foltore dhe quajti edhe patronazhisht ,por në fakt e vërteta është krejt tjetër, ka qenë një mbështetës dhe simpatizant i flaktë i Sali Berishës. Madje bashkëvuajtësit e tij e thonë këtë gjë. Siç ka bërë për herë në prag të revolucioneve imagjinare edhe ngjarjen e djeshme u munduan ta përdorim si benzinë për ti hedhur zjarrit për protestën e nesërme. Nuk jam këtu për të gjykuar veprimtarinë e gjyqësorit. S’dua të bëj gjykatësin. Por ngjarja e djeshme meriton një analizë dhe vlerësim real i asaj që ka ndodhur për të parë se ku çaloi zinxhiri i drejtësisë. Si autor i ngjarjes së djeshme lirohen çdo ditë nga institucionet tona. Agjencitë e zbatimit të ligjit. Të ndërmarrim masa në aspektin e organizmit dhe funksionimit të institucioneve tona. Duhet të mbikëqyren nga institucionet.’- tha Manja.