/ATSH-MIA/ - Artistë shqiptarë nga Maqedonia, Shqipëria dhe Kosova së bashku do të organizojnë një koncert bamirësie për të ndihmuar popullatën e Lagjes së Tirmave në Kumanovë.

Website aktual.mk sot ka publikuar listën prej 30 artistësh, të cilët do të marrin pjesë në këtë koncert, ku shquhen Elita 5, Aurela Gaçe, Adelina Tahiri, Adrian Gaxha, Blero, Mihrije Braha, Etno Engjujt, Big Mama, Genta Ismajli, Ervin Bushati, Sinan Hoxha, Veton Idrizi ("Exception"), grupi "Okupatorët", grupi "Objective", Grupi XXL, trio "Darabuka" dhe Dj DarkChild.

Sipas të njëjtit burim, detaje të tjera rreth këtij organizimi bamirësie do të njoftohen në ditët në vijim./