POP 5

Lajmet më të lexuara të 5 minutave të fundit

Politikë

Marrëveshje bashkëpunimi me rektorin e UBT, Mazniku: Bashkitë të përgatiten për të ushtruar funksionet e tyre

Ministri i Shtetit për Pushtetin Vendor, Arbjan Mazniku dhe Rektori i Universitetit Bujqësor, Fatbardh Sallaku prezantuan në prani të përfaqësuesve të bashkive të vendit, produktet e pritshme nga nënshkrimi i marrëveshjes së bashkëpunimit mes tyre.

Marrëveshje bashkëpunimi me rektorin e UBT, Mazniku: Bashkitë të përgatiten për të ushtruar funksionet e tyre

Ministri i Shtetit për Pushtetin Vendor, Arbjan Mazniku dhe Rektori i Universitetit Bujqësor, Fatbardh Sallaku prezantuan në prani të përfaqësuesve të bashkive të vendit, produktet e pritshme nga nënshkrimi i marrëveshjes së bashkëpunimit mes tyre.

Në vitin 2025, Universiteti Bujqësor pritet të realizojë 20 projekte parafizibiliteti, 10 manuale prodhimi dhe tregtimi, 10 plane zhvillimi rural dhe agroturistik si dhe 100 trajnime për rritjen e kapaciteteve të fermerëve dhe administratës.

Ministri Arbjan Mazniku u shpreh se ky është një hap shumë pozitiv duke qenë se jemi përpara zhvillimit të negociatave me Bashkimin Europian dhe shumica e tyre do të zbatohen në pushtetin vendor.

“Bashkitë duhet të përgatiten për të ushtruar funksionet e tyre dhe të kapin momentin e integrimit europian. Ky do të jetë fillimi i një partneriteti të madh nga e cila do të lindin edhe fusha të reja bashkëpunimi”, u shpreh Ministri Mazniku.

Rektori i Universitetit Bujqësor, Fatbardh Sallaku, tha se ky universitet do të ofrojë ekspertizën e specializuar, bashkëpunime ndërkombëtare si dhe analiza laboratorike të tokës dhe ujit për nevojat e bashkive.

Këtë marrëveshje e vlerësuan edhe kryetarët e bashkive të mazhorancës dhe opozitës të pranishëm, Gledjan Llatja i Elbasanit, Hil Currri I Fushë Arrëzit, Albert Mëlyshi i Mirditës dhe Josif Gorrea i  Divjakës, të cilët u shprehën se ndihma e Universitetit për bujqësinë do të jetë jetike për ekonominë e tyre.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01