POP 5

Lajmet më të lexuara të 5 minutave të fundit

Ekonomi

Masat e BSH s'dhanë efekt, Fullani:
Forconi rregullat për kolateralin

Guvernatori paraqet veprimtarinë e Bankës. Masat e ndërmarra nga Banka e Shqipërisë për të nxitur kredinë dhe rritjen ekonomike nuk kanë dhënë efektin që pritej gjatë vitit të kaluar.
Masat e BSH s'dhanë efekt, Fullani:<br />Forconi rregullat për kolateralin
TIRANE- Masat e ndërmarra nga Banka e Shqipërisë për të nxitur kredinë dhe rritjen ekonomike nuk kanë dhënë efektin që pritej gjatë vitit të kaluar. Këtë e ka pranuar vetë guvernatori Ardian Fullani para deputetëve të Komisionit të Kuvendit për Ekonominë, por, arsyet pse kredia po tkurret, sipas tij, duhen kërkuar përtej Bankës Qendrore. Ai ka paraqitur në Komision raportin vjetor të aktivitetit të BSH.
Por, deputeti socialist Anastas Angjeli u shpreh se edhe Banka Qendrore ka përgjegjësitë e saj për krizën e kredive.

"Banka e Shqipërisë mendoj se duhet të luajë një rol më aktiv në mbështetjen e ekonomisë, në krijimin e stimujve për të përmirësuar më tej klimën e kredidhënies në vend, zbutjen e politikave konservatore të bankave në kreditim, që shfaqen edhe nëpërmjet kushteve të tjera të zbatuara nga bankat me aktivitete kredituese", tha Angjeli.

Ish-ministri i Financave Angjeli deklaroi se Banka duhet të bënte më shumë edhe për të frenuar Qeverinë Berisha për të mos rritur borxhin. "Duhet të rrisim më tej rolin e saj, si sinjalizator, për reagime të shpejta ndaj zhvillimeve ekonomike dhe financiare në vend, së dyti, aq sa i takon, Banka e Shqipërisë duhet të jetë më aktive në ruajtjen e nivelit të borxhit publik", tha Angjeli.

Fullani, nga ana e tij, pranoi se politika monetare dhe masat e tjera nxitëse për nxitjen e kreditimit kanë dhënë rezultate të pjesshme, për shkak të dobësisë së ekonomisë reale dhe pasigurisë së lartë mes konsumatorëve, bizneseve dhe bankave. Sipas Guvernatorit, borxhi publik ngelet një problem i thellë strukturor për ekonominë. Marrëveshja me Fondin Monetar Ndërkombëtar është një bazë e mirë për të orientuar konsolidimin fiskal, por Guvernatori kërkoi edhe njëherë vendosjen e një rregulli fiskal transparent që të garantojë ruajtjen e niveleve të pranueshme të borxhit në të ardhmen.

Në raportin për aktivitetin gjatë vitit 2013, Banka e Shqipërisë theksoi edhe njëherë nevojën për reforma strukturore, që do të jenë themeli për një model të ri ekonomik të vendit. Modeli aktual, i mbështetur te konsumi i mallrave të importit dhe shërbimet, nuk garanton një rritje të qëndrueshme në të ardhmen, ndaj reformat duhet të synojnë zhvillimin e sektorëve prodhues e rritjen e eksporteve. “Zgjedhjet e përgjithshme të zhvilluara gjatë vitit, rritën pasigurinë tek agjentët ekonomikë. Sjellja fiskale gjatë vitit 2013 rezultoi në një defiçit buxhetor prej 65.4 miliardë lekësh, nivel ky 42% më i lartë se ai i një viti më parë.” tha Fullani. Fenomen dominues në ekonomi për vitin 2013, sipas tij, ishte ulja e kreditimit që ngadalësoi edhe biznesin.

Fullani kërkoi përmirësimin e klimës së biznesit, zhvillimin e një modeli të ri të rritjes ekonomike, të bazuar në aktivitetet prodhuese dhe eksportuese, si dhe zgjidhjen e problemeve ligjore, ende të pranishëm në fushën e ekzekutimit të kolateralit.

Shkrimi u publikua sot 24 prill 2014 në gazetën Shqiptarja.com (print)

Redaksia online
(d.a/shqiptarja.com) 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51