Mbreti i Spanjës, Filipe VI, nëpërmjet një telegrami, ka uruar Presidentin e Republikës së Shqipërisë, Ilir Meta, për marrjen zyrtare të detyrë.

Në mesazhin e tij të urimit, Mbreti i Spanjës, i uron Metës  suksese në misionin e tij, në të mirë të begatisë, paqes dhe mirëqenies për popullin shqiptar.

Mesazhi i urimit i Mbretit spanjoll, Filipe VI për presidentin Meta:
“Me rastin e marrjes së postit më të lartë drejtues të Republikës së Shqipërisë nga Shkëlqesia Juaj, dëshiroj t’ju përcjell përgëzimet e mia më të përzemërta, të cilave u bashkohen gjithashtu ato të qeverisë dhe popullit spanjoll!

Ju lutem pranoni Zoti President, urimet e mia më të mira për suksese në misionin Tuaj të lartë, suksese që do të jenë në të mirë të begatisë, paqes dhe mirëqenies për popullin mik shqiptar!”
 

Gjithashtu, Mbretëresha e Danimarkës, Madhëria e Saj Margrete II uron Presidentin e Republikës së Shqipërisë, Ilir Meta për marrjen e detyrës.

Mesazhi i urimit nga Mbretëresha e Danimarkës për Metën:
Mbretëresha e Danimarkës, Madhëria e Saj Margrete II në mesazhin e saj të urimit drejtuar Presidentit të Republikës së Shqipërisë SH. T. Z Ilir Meta, shkruan: “Me rastin e përurimit tuaj si President i Republikës, ju lutem pranoni përgëzimet e mia të sinqerta si dhe urimet më të mira për ju dhe për popullin e Shqipërisë!”
 


Redaksia Online
D.T/Shqiptarja.com