Rritja e pagave për administratën/ Spahiu në 'Frontline': PS-PD në 34 vjet nuk ndërtuan asnjë azil pleqsh

Prej 1 korrikut rriten pagat e administratës publike në vend. Në ‘Frontline’ me Marsela Karapançon u debatua se çfarë do sjellë kjo nisëm e qeverisë në ekonominë shqiptare. Deputetja Pranvera Resulaj kjo rritje i paraprin rritjes së pensioneve.

'Nuk është aspak e fryrë administrata publike. Një lajm i mirë dhe i paraprin ndjeshmërisë së madhe rritjes së pensioneve.'

Këshilltari bashkiak i PD-së në këshillin bashkiak të Tiranës shprehet se ky vendim është marrë në kohën e gabuar.

'Gjithmonë është lajmi i mirë. Por i vonuar. Efektet që do japin nuk janë të pritshme nëse do merreshin gradualisht vit pas viti. Një vendim i marrë në kohën e gabuar. Çdo vendim duhet marrë në masë dhe në kohën e duhur që i bëjnë mirë ekonomisë dhe kohës së tregut. Administrata shtetërore ishin 162 mijë, sot 184 mijë pa përfshirë dhjetra mijëra kontrata dy orëshe.'

Megjithatë Resulaj thekson se qëndrimet për çështje të tilla që prekin mjaft vetë nuk ka vend politika.

'Për çështje sensitive të tilla duhet të qëndrojmë më pak politike.'

Eksperti i ekonomisë, Zef Preçi shpreson se kjo rritje të vijojë edhe më tej dhe të mos jetë dhuratë prag zgjedhjesh.

'Çdo lek në shtim të të ardhurave të familjeve shqiptare është për t’u përshëndetur. Është një funksionet e sistemit. Rritja e pagave nuk është vullnet politik, ka të bërë me produktivitetin. Duhet vazhdojë si proces automatik. Të mos jetë thjesht dhuratë prag zgjedhjesh.'

Aktivisti Jani Marka nga Lëvizja Bashkë, thekson raportin e llahtarshëm të rrogës së deputetëve me pensionet.

'Menjëherë pasi mbaruan zgjedhjet dyfishuan pagat e tyre, zonja në krah merr 20 herë më shumë se një pensionist. Raport i llahtarshëm. Duhet parë efekti që do sjellë, a do rritet fuqia blerëse. Gjithë mësuesit që punojnë në republikën e Shqipërisë punojnë 5 ditë në javë, por nga informacionet jemi përditë në rrugë ka shumë njerëz të administratës punojnë në dy nuk vijnë. Sa i përhapur është ky fenomen? Sa pjesë e administratës është mbushur me patronazhistë? A është më prioritare rritja e pagave në sektorin publik apo rritja e pensioneve? Nuk e shikoj si goditje e qëlluar e qeverisë.'

Juristi Kreshnik Spahiu në lidhje Skype nënvizon se me qeverisjen e socialistëve në Shqipëri prej 11 vitesh që sipas tij nuk kanë mundur të ndrërtojnë një sistem social dhe minimum jetik si të majtët në Europë.

'Ne jemi për një analizë më të thellë, e cila duhet të ndriçojë publikun se si qeveria baton kontratën me elektoratin. Socialistët po hyjnë në vitin e 12 në pushtet. Shqiptarët kanë parë dy qeverisje, demokratëve dhe socialistëve. Fatkeqësisht socialistët shqiptar janë të vetmit në Europë që nuk kanë ndërtua një sistem social. Kush është ndryshimi i të majtëve dhe të djathtëve ka një dallim thelbësor si qeverisin.

Kur e majta erdhi në pushtet në 2013, si trashëgimtare e Partisë së Punës, do mund të ngrinte bazat e një të majte në Shqipëri. Shqipëria është shumë larg sisteme sociale që ka e majta në Europë. Të shumë shteteve që shquhen se si suportojnë skemën e pagave dhe pensioneve.'

Më tej deputetja Resulaj duke folur për rritjen e pagave të deputetëve thotë se kjo vjen me hierarki e nis që nga presidenti i republikës.

'Është një respekt për të arritur tek rritja e pagave. Nga presidenti i republikës, e kështu me rradhë. Është piramidë. Është e majtë apo nuk është. Dëgjojmë ta djathtën të flasin për politika sociale. Nga Danimarka tek Shqipëria politikat sociale nuk inkuadrojnë shumë. Nuk jemi një vendi i pasur,  por jo se nuk jemi një vend social.'

Spahiu theksoi më tej raportin e rritjes së çmimeve në vend krahasuar me rritjen e pagave.

'E mora në referencë me disa vende, po këto vende që aplikojnë kanë paralelisht një kontroll të mënyrës konkurruese të çmimeve të shportës. Çmimet janë mbajtur në kontroll, në Shqipëri ekzistojnë monopolet, në Shqipëri janë rritur çmimet. Në 10 vitet e fundit, çmimet në supermarketet europian nuk e kanë kaluar 10 % e rritjes. Shporta në Shqipëri është dhjetëfishuar, dhe e pashpjegueshme pse shteti nuk ndërhyn.'

Teliti shtoi se kryeministri Rama bëri rritje page për administratën publike për t'i bërë presion sektorit privat.

'Problematika sot, kryeministri thotë do rris pagat për të bërë presion sektorit privat. Çfarë politikash duhet marrë marrë si qeverisje për të rritur e sektorit privat, fuqinë e sipërmarrjes dhe biznesit. Kemi masën e fundit, të profesionistëve të lirë. Edhe tashmë futen tek taksimi 15 23 %. Një pjesë ka shpallur falimentin. Nuk bëhet rritje page për presion privatit.'

Më tej Kreshnik Spahiu analizoi problematikat pse në vendin tonë nuk është mundur të ngrihet një shtet social, e që sipas tij asnjë qeverisje si ajo e demokratëve dhe e socialistëve në 34 vite nuk kanë mundur të ngrenë qoftë edhe vetëm një azil pleqsh.

Rendit zhvillimet sipas orarit:

Të Fundit Të Parat

G.K/KT/Shqiptarja.com

TAG:
• jani marka
• pranvera resulaj
• Kreshnik Spahiu
• zef preci
• frontline