Me pjesmarrjen e 55 federatave anëtare të UEFA-s, ka nisur prej së hënës në Tiranë, mbledhja e rëndësishme për Qëndrueshmërinë Mjedisore dhe Përgjegjësinë Sociale (SES Community), e mbajtur nga Federata Shqiptare e Futbollit.
“Vitet e fundit kemi qenë dëshmitarë të sfidave, por edhe të mundësive që nxjerrin në pah rëndësinë e qëndrueshmërisë sociale dhe mjedisore, si brenda dhe jashtë fushës. Ne të gjithë luajmë një rol të rëndësishëm, që futbolli të lërë një ndikim pozitiv në jetën e të gjithëve, nga ulja e ndotjes mjedisore tek barazia sociale, dhe kjo jo vetëm në stadiumet e futbollit, por në jetën e shumë njerëzve dhe komuniteteve në të gjithë Europën. Të gjithë së bashku jemi në shërbim të lojës sonë të bukur të futbollit dhe me këtë kemi edhe shumë përgjegjësi.
Takimi i sotëm ka një rëndësi të madhe, sepse ne mund të përfshihemi në diskutime dhe të zbulojmë praktikat më të mira që do të nxisin ndryshime dhe përmirësime ne te ardhmen. Dhe EURO 2024 ishte një shembull i shkëlqyer dhe një sukses i madh kur bëhet fjalë për të qenë të qëndrueshëm.
Dëshiroj të shfrytëzoj rastin për të falënderuar veçanërisht mikun tim dhe tonin Michele, Drejtor i Qëndrueshmërisë Sociale dhe Mjedisore dhe ekipin e tij, së pari për një punë të mrekullueshme në këto vite dhe së dyti për organizimin e këtij seminari në Tiranë, për të cilin jemi jashtëzakonisht të lumtur që e mirëpresim sot në Shqipëri. Faleminderit dhe njëherë që keni ardhur këtu dhe për angazhimin tuaj në lojën e bukur të futbollit dhe shijoni qëndrimin tuaj në Tiranë”, - deklaroi Duka në fjalën e tij.
Më tej, fjalën e mori Drejtori i UEFA-s për Qëndrueshmërinë Sociale dhe Mjedisore, Michele Uva, i cili fillimisht falënderoi Federatën e Futbollit dhe Presidentin Duka për mikpritjen dhe vlerësoi prezantimin e strategjisë së qëndrueshmërisë dhe përgjegjësisë sociale në prill që shërbeu si indicie për mbajtjen e mbledhjes SES Community në Tiranë.
“Më lejoni ta filloj nga falënderimi për Federatën Shqiptare të Futbollit që na mirëpriti sot këtu dhe mbështetjen që na dhanë për këtë organizim. Ideja për të ardhur në Shqipëri ishte pas prezantimit fantastik të strategjisë së qëndrueshmërisë dhe përgjegjësisë sociale në prill, në një fushë futbolli, duke ndjerë aromën e barit që më dha një mesazh: qëndrueshmëria mjedisore nis në mesin e fushës, aty ku qëndron topi, pastaj kalon te ekipet, zyrtarët e ndeshjes, tifozët, media etj. Ne si UEFA duam të japim mesazhin që strategjia e qëndrueshmërisë nuk bazohet vetëm në Zvicër, por është kudo.
Ne si UEFA duhet t’i ndihmojmë të gjithë, por fillimisht duhet të krijojmë një plan veprimi. Ne kemi rritur financimin nga 20-75% të buxhetit tonë, më shumë se 8.5 milionë € për ju, për të financuar projektet tuaja, ndërsa pjesën tjetër e kemi shfrytëzuar për të krijuar mjetet e nevojshme, udhëzime, trajnime dhe mbështeje. Faleminderit dhe gjithmonë të bashkuar!” – tha ai.
Gjatë mbledhjes u diskutuan disa pika të ndryshme që kanë të bëjnë me çështjet mjedisore dhe përgjegjësinë sociale.
Mbledhja e Qëndrueshmërisë Sociale dhe Mjedisore do të vijojë nesër me ditën e dytë të diskutimeve dhe përmbyllet të mërkurën, në datën 30 tetor.
Lajme të tjera
-
Drejtori i Policisë, Proda takohet me të Ngarkuarin me Punë të Ambasadës së Kuvajtit! Diskutohet edhe mundësia e shkëmbimit të metodave policore
2 Nëntor, 15:43 -
Pamjet me dron/ Shikoni punimet e Unazës së madhe në Tiranë
2 Nëntor, 15:37 -
Teatri i ri, Veliaj: E ndërtojmë për 100 vitet e ardhshme
2 Nëntor, 15:29 -
Tiranë/ Qëlloi 8 herë me thikë të riun, arrestohet 41-vjeçari i shpallur në kërkim për vrasje të mbetur në tentativë
2 Nëntor, 15:18 -
Incidentet e shkaktuara nga tifozët shqiptarë në Tbilisi, UEFA gjobit FSHF-në me 26 mijë e 875 euro
2 Nëntor, 11:46 -
Veliaj në Torino, takon kryebashkiakun Lo Russo! Nis bashkëpunimi mes dy qyteteve, për Tiranën Kryeqyteti Mesdhetar i Kulturës në 2025
2 Nëntor, 11:31 -
Pa stadium, tifozë dhe ekip! 'Diktatura' e FSHF-së dhe pësimet e KF Tiranës që rikthejnë makthet e së shkuarës
2 Nëntor, 09:54
-
Zbulohet vatër e gripit të shpendëve në Tiranë! Ministria: Vatra u karantinua! Ndalohet lëvizja e shpendëve nga fermat Vorë dhe Kamëz
2 Nëntor, 09:28 -
Dëmtuan 3 lojtarë të Vllaznisë me lëndë plasëse, Disiplina 'shuplakë' të rëndë Tiranës: Ndeshjet e mbetura të sezonit do t'i luajë pa tifozë
1 Nëntor, 19:27 -
Për herë të parë në Shqipëri, mbahet mbledhja e Komitetit të Medias së UEFA-s
1 Nëntor, 16:51 -
Vrojtimi i Bankës së Shqipërisë: Turizmi mban në ‘këmbë’ besimin në ekonomi! Ngec sektori i ndërtimit, më pak porosi për apartamente
1 Nëntor, 15:43
-
Transformohet një bllok banimi në Njësinë 3, Veliaj: Premtim i mbajtur, rritet vlera e pronës për banorët e zonës
1 Nëntor, 15:35
