'Me Reja-n do flas pas dy ditësh', Duka për Report TV: Nuk ka ende kontratë të re

Të mërkurën e 20 nëntorit përfundon zyrtarisht kontrata e trajnerit Edy Reja me federatën shqiptare të futbollit, duke lënë kështu pa trajner skuadrën kuqezi, e cila eliminatoret e Europianit i mbylli në vendin e katërt.

Prej kohësh të dy palët, si Reja po ashtu edhe presidenti i FSHF-së, kanë shprehur gadishmërinë për të ronovuar, por sot mediat italiane dhe ekzaktësisht ‘Gazetta dello Sport’ plasi bombën duke deklaruar se italiani do ta mbyllë këtu aventurën me Shqipërinë.

Gjithashtu po sot në mediat shqiptare është përfolur për një kontratë 4-vjeçare të ofruar teknikut 74-vjeçar, por që sipas presidentit të FSHF-së nuk është e vërtetë. Në një prononcim të shkurtër për ‘Report TV’ Duka është shprehur: ‘Ende nuk ka asnjë marrëveshje të re me Reja-n. Do të ulemi pas dy ditësh për të diskutuar’.

Aktualisht Duka nuk ndodhet në Shqipëri, por as në Itali, pasi gjendet në Zvicër ku po ushtron detyrën e tij si anëtar i Komitetit Ekzekutiv në UEFA.

Ne.k./r.k./Shqiptarja.com
Komento

Komente

  • Turi: 19/11/2019 23:27

    Per fat te keq na duhet te vazhdojme edhe ca kohe me trajner te huaj per te vetmen aresye sepse cdo trajner shqiptar do ishte i detyruar ta haje mikun per lojtaret e grumbulluar. Kjo per momentin eshte e pashmangshme ne shqiperi.

    Përgjigju
  • Valentina: 19/11/2019 20:29

    Reia duhet te rinovoje patjeter,me te kunderten kombetarja merr fund.

    Përgjigju
  • Arbëri: 19/11/2019 19:45

    Po po kontrat të re, se të duhen edhe 100 mijë € të tjera, sepse ne nuk kemi trakner shqiptarë apo jo?

    Përgjigju