297 bimë kanabis janë asgjësuar në fshatin Izvor, në Memaliaj, pranë vendit të quajtur “Përroi i Madh”.

Kanë qenë shërbimet e policisë së Tepelenës , të cilat kanë shpallur në kërkim edhe dy kultivuesit e bimëve narkotike, E.Xh, 25 vjeç dhe D.H, 24 vjeç, të dy banues në fshatin  Izvor.

Mbi këta dy persona rëndon akuza e”Kultivimi i bimëve narkotike”.

droge memaliaj

Njoftimi i policisë:
Në vijim të kontrolleve të territorit dhe masave të marra për parandalimin, evidentimin dhe goditjen e rasteve të kultivimit të bimëve narkotike Cannabis Sattiva, në vendin e quajtur "Përroi i madh", në afërsi të fshatit Izvor, Memaliaj, nga shërbimet e Komisariatit të Policisë Tepelenë u gjetën 297 bimë të kultivuara narkotike Cannabis Sattiva.

Bimët u asgjësuan në vend me anë të djegies.

Gjithashtu u shpallën në kërkim shtetasit :

E.Xh, 25 vjeç, banues në fshatin Izvor, Memaliaj.

D.H, 24 vjeç, banues në fshatin Izvor, Memaliaj.

Po punohet për kapjen e autorëve.

Materialet i kaluan Prokurorisë së Rrethit Gjyqësor Gjirokastër për veprën penale ''Kultivimi i bimëve narkotike'', parashikuar nga neni 284/2 i Kodit Penal.

Redaksia Online
D.T/Shqiptarja.com