I ftuar në këtë konferencë, Prof.Dr Vinzenz Wyss, solli shembuj konkret sa i përket menaxhimit të gazetarisë në Zvicër. Ai theksoi rëndësinë e pasjes së një sistemi transparent menaxherial të rekrutimit të gazetarëve nga ana e agjencive mediatike.
Gjithashtu e ftuar në këtë konferencë ka qenë edhe drejtuesja e “Free and Fair Media gruop”, Alba Malltezi, e cila ndau eksperiencat e saj në rekrutimin dhe menaxhimin redaksional në televizionin A1 Report dhe në gazetën Shqiptarja.com. Në vlerësimin e Alba Malltezit, fenomeni i tkurrjes së pasionit për gazetarinë si profesion nga studentët dhe gazetarët e rinj është në rritje.
Shumë gazetarë të rinj dorëzohen lehtë ndaj kërkesave, fluksit, dhe trysnisë fillestare të punës së gazetarit. Për tu theksuar vlen edhe iniciativa e ndërmarrë nga ky grup mediatik për të trajnuar gazetarin multimedial, çka nënkupton, që përveç raportimit të thjeshtë, reporteri duhet të jetë i aftë të përdorë mjetet e teknologjisë për të raportuar dhe jo vetëm.
Për të rrëfyer eksperiencën e tij në menaxhim, i pranishëm ka qenë edhe drejtori i informacionit në ABC News, Armand Shkullaku. Ai solli dallimin mes kulturës menaxheriale në Kosovë dhe asaj në Shqipëri. Disa nga problematikat që Shkullaku u kujdes të vinte në dukje, ishin mungesa e lirisë editoriale për shkak të interesave të pronarëve të medias dhe mosekzistenca e një stili dallues mes reporterëve shqiptar.
Konferenca është moderuar nga Dr. Jonila Godole, e cila nëpërmjet studimit të saj ka servirur për të pranishmit të dhëna që ilustronin lirinë e gazetarit për të përzgjedhur lajmin duke shënuar shifra si 45%.Sipas studimit të Dr. Godoles, kjo autonomi është paradoksale me realitetin e përditshëm të gazetarëve. Godole e sheh këtë aspekt nën intepretimin se autonomia nuk mungon, por është funksionale veçse nën kufijtë e politikave redaksionale ose politikës së vetë pronarëve të medias.
Duke vijuar më pas në fjalën e saj Dr. Jonila Godole na tregon se sidomos gazetarët që paguhen më pak (mesatarisht 46.000 lekë) dhe që janë kryesisht të rinj në moshë dhe profesion deklarojnë se dëshirojnë të ndryshojnë profesion në të ardhmen. Në përgjithësi një numër i madh gazetarësh e shohin gazetarinë si një trampolinë për punë, apo karriera të tjera alternative.
Takimi i mbajtur në ambientet e fakultetit të Histori -Filologjisë , është takimi i tretë i rradhës, në vazhdën e një bashkëpunimi të ngushtë mes fakultetit dhe fondacionit gjermano-shqiptar Konrad Adenauer. Qëllimi i këtyre seancave është të ofrojë një klimë bashkëpunimi mes studentëve, shkollës, profesionistëve të gazetarisë dhe medias duke sjellë në fokus problematikat e tregut mediatik shqiptar.
Redaksia Online
(xh.k/ak/shqiptarja.com)
Lajme të tjera
-
Shkullaku e Bushati e pranojnë: Lista e pagave u publikua nga ata që nxorrën 'patronazhistët', ne e dinim
23 Dhjetor 2021, 22:52 -
Elita opinioniste
8 Maj 2021, 18:47
-
Akuzat për inceneratorët/ Rama publikon videon: Kush ka sy le të shikojë kush ka veshë le të dëgjojë
21 Tetor 2020, 13:31 -
Akuzat për inceneratorët/ AKUM sqaron opionin dhe Armand Shkullakun
19 Tetor 2020, 11:27 -
Rama e akuzoi për mashtrim, Shkullaku i përgjigjet: Po të bëri punë kjo video e ky montazh për në SPAK, ta kam fal
18 Tetor 2020, 14:40 -
Sa me fat Armand Shkullaku që sulmon Ramën, në krahasim me Adriatik Doçin që denoncon Metën
18 Tetor 2020, 12:45
-
Braçe 'sulmon' Shkullakun: Ai që tregon si lac orën gënjen për qejf, vëmendje, hall, nga urrejtja apo për të vrarë të vërtetën! Je i sëmurë
18 Tetor 2020, 11:38 -
Shpresoj që Edi Rama të mos e kishte me Shkullakun
17 Tetor 2020, 20:46
-
Veliaj: Shkullaku vilë 500 mijë euro duke punuar si gazetar
17 Tetor 2020, 18:39 -
Rama: Armand Shkullaku jo vetëm gënjeu sy për sy për incerenatorin e Elbasanit, por vijoi me propagandën e tij mohuese duke i bërë jehonë shpifjeve të Bashës
17 Tetor 2020, 16:36 -
Falimentoi edhe Fullani i fundit
5 Qershor 2020, 17:00
