Ilir Meta përshëndet mesazhin e Kishës Katolike:  Ndëshkoni ata që duan të blejnë votën, e kanë vendin në burg

Mesazhit të Kishës Katolike paraditen e sotme i është bashkuar edhe Presidenti Ilir Meta. Përmes një njoftimi Meta apelon që kush tenton të tjetërsojë dhe të prekë votën, do ta ketë vendin në burg.

"E përshëndes mesazhin e fuqishëm dhe frymëzues të Konferencës Ipeshkvnore tё Shqipërisë, që inkurajon pjesëmarrjen masive të qytetarëve në zgjedhjet historike të 25 prillit, një e drejtë dhe detyrim moral ndaj momentit më të rëndësishëm të jetës demokratike dhe së ardhmes evropiane të Shqipërisë. I bëj gjithashtu jehonë thirrjes së tyre për të mos rënë në grackën e kujtdo, që kërkon t’i trajtojë qytetarët shqiptarë si plaçkë, që shitet e blihet por të votoni me vullnet të lirë dhe për ata kandidatë, të cilët duhet ta meritojnë besimin tuaj!  Kush falsifikon, kush tenton të tjetërsojë dhe të prekë votën, do ta ketë vendin në burg", thuhet në mesazhin e Metës. 

LEXO EDHE:
Lezhë/ Mbahen homazhe për Motër Roza Sykun në Kishën e Tales, e cila ndërroi jetë në moshën 58-vjeçare

Lajmi kryesor:

Zgjedhjet/ Kisha katolike: Mos votoni kandidatë me të kaluar të dyshimtë! Kush shet votën ka shitur dinjitetin e vet! Mesazhi përshëndetet nga Kim, Soreca, Rama, Meta dhe Celibashi

K.T./Shqiptarja.com

TAG:
• kisha katolike
• vota
• Dom Gjergj Meta
• zgjedhjet parlamentare 2021
• Ipeshkvore
• dom mark shtjefni