Në një kohë kur socialistët kanë bërë gati nismat ligjore për t’i mbyllur derën e politikës ish-spiunëve të sigurimit të shtetit, Ilir Meta ka paralajmëruar se me 1 shtator do të padisë Autoritetin Kombëtar të Dosjeve. Ky reagim i Metës vjen pasi emri i tij u përmend nga Autoriteti i Dosjeve si ish-bashkëpunëtor i sigurimit të Shteti. Sipas Metës, padia do të ngrihet për shkelje flagrant të ligjit organik të dosjeve te Sigurimit të shtetit, për manipulim dhe falsifikim të qëllimshëm.
‘Unë jam njohur plotësisht me dosjen e përndjekjes së qytetarit F.T. nuk ekziston asnjë dosje për Ilir Rexhep Metajn.’- tha Meta.
Kryetari i Partisë së Lirisë, Ilir Meta akuzoi sot qeverinë për korrupsion me projektet për investimet publike. Meta tha se qeveria miraton projekte që janë disafish mbi kosto, ku pjesa më e madhe e parave vidhen nga qeveria dhe firmat që marrin përsipër punimet.
Sipas Metës, në Shqipëri ka shkuar deri në 20 milionë euro ndërtimi i një kilometri rrugë, ndërsa në Francë një rrugë me dy krosi kushton 4 milionë euro kilometri. Meta solli në vëmendje se pagat e punëtorëve në Francë janë shumë më të larta se në Shqipëri, po ashtu edhe të produkteve, kur në fakt projektet kushtojnë më shumë.
Meta u fokusua te ndërtimi i rrugëve, ku specifikisht mori shembull rrugën Qukës – Qafë Plloçe, Kardhiq – Delvinë, për të cilën tha se nga 50 milionë euro që ishte miratuar, ka shkuar në 180 milionë euro.
“Shqetësimi kryesor është çështja e korrupsionit galopant në çdo drejtim. Afera më e zezë deri tani, e inceneratorëve. Fakte të reja tronditëse në ditët në vijim jo vetëm për këtë aferë Korrupsion i jashtëzakonshëm me investimet publike, rrugë e ujësjellës. Kostoja e rrugëve është shumëfishuar, siç është rasti i rrugës Qukës - Qafë-Plloçe. Kardhiq – Delvinë 50 milionë për 33 km në 180 milionë euro. Duke i ikur angazhimeve të marra nga EU për korridoret ku duhet të bëjë pjesë, iu ikën korridoreve sepse nuk duan të punojnë me kosto të BE-së, duan t’i ikin konkurrencës dhe të bëjnë koncesione me vlerë shumë herë më të madhe për qëllime abuzive sa e kanë çuar kilometrin 20 milionë euro, ndërkohë që me dy krosi në Francë 4 milionë euro kilometri. Dihet sa është paga e punëtorit në Francë e sa është në Shqipëri veç kostove të tjera. 1.8 -.27 milionë euro kilometri në SHBA. 6 herë më shtrenjtë një kilometër rrugë në Shqipëri se në Serbi”, tha Meta në një Konferencë për Mediat.
Meta i bëri thirrje adimistratës publike të mos hedhin firma për qëllime korruptive, duke iu thënë se do të ndëshkohen pasi “ditët dhe javët e Edi Ramës janë të numëruara”.
“I bëj thirrje administratës publike në çdo institucion, mos u bëni bedela për korrupsionin e Edi Ramës, mos dëmtoni veten e familjen, repsektoni ligjin, mos firmosni sepse ditët dhe javët e Edi Ramës janë të numëruara ndaj është shumë e rëndësishme që ju të flini të qetë. Ky korrupsion nuk do të tolerohet. Edi Rama ka nxitur e u ka dalë garant se nuk do të kenë probleme me ligjin por kjo është e pamundur”, tha Meta.
Këto deklarata Meta i bëri gjatë një konference për mediat në Tiranë, në kuadër të konferencave të ngjashme të Partisë së Lirisë për të dënuar veprime të qeverisë.
Ilir Meta thotë se më 1 shtator do të padisë Autoritetin e Sigurimit të Dosjeve, për shkelje të ligjit dhe nxjerrje të sekreteve shtëtrore. Ky paralajmërim i Metës vjen pasi Autorittei i Dosjeve nxorri emrin e kreut të Partisë së Lirisë si ish-bashkëpunëtor i Sigurimit të Shtetit. Meta tha se nuk ka asnjë dosje për Ilir Rexhep Metajn, duke ju referuar emrit të babait të tij.
‘Më 1 shtator do të padis penalisht Autoritetin e Manipulimit të Dosjeve për shkelje flagrante të ligjit organik të dosjeve te Sigurimit të shtetit, për manipulim dhe falsifikim të qeëlimshëm. Për manipulim për qëllim shantazhi dhe nxjerrje të sekretit shtetëror. Unë jam njohur plotësisht me dosjen e përndjekjes së qytetarit F.T. nuk ekziston asnjë dosje për Ilir Rexhep Metajn.’- tha Meta.
Pas publikimit të emrit të Ilir Metës si ish-bashkëpunëtor i Sigurimit të Shtetit Partia Socialiste dhe ajo Demokratike përgatitën ndryshimet në ligjin për Autoritetin e Dosjeve. Sipas nismës ligjore të PS-së u ndalohet kandidimi dhe ushtrimi i funksioneve të larta publike personave ndaj të cilëve provohet nga Autoriteti për Informimin mbi Dokumentet e ish-Sigurimit të Shtetit, se kanë qenë bashkëpunëtorë ose të favorizuar të ish-Sigurimit të Shtetit.
Një nismë e tillë ligjore ka ardhur pas publikimit të dosjes ekskluzive nga Report Tv në të cilën Autoriteti i Dosjeve informonte Kuvendin se ish-presidenti Ilir Meta rezulton ish-bashkëpunëtor i Sigurimit, mirëpo ish-presidenti e cilëson si një sulm që po i bëhet nëpërmjet manipulimit të dokumenteve.
Komente
Lajme të tjera
-
Partia e Lirisë kërkesë Policisë e Ministrisë së Brendshme: Na vini në dispozicion emrat e policëve që ‘rrëmbyen’ Ilir Metën, operacion kriminal
4 Nëntor, 11:46 -
Ilir Meta rrëfehet nga qelia: Kam pasur oferta për t’u arratisur! E njoh burgun qysh kur vizitoja Fatos Nanon! Arrestimi im ishte rrëmbim i mirëfilltë
4 Nëntor, 11:31
-
Lobimi në SHBA dhe CEZ-DIA, Meta kërkon lirinë, Kryemadhi ankimon detyrimin e paraqitjes! Monika në SPAK: Do u tregoj të vërtetat e ‘satelitëve’ të Shqipërisë
4 Nëntor, 09:50
-
Tedi Blushi takim me drejtuesit e PL në SHBA dhe BE, ju përcjell porositë që i ka dhënë Ilir Meta
3 Nëntor, 18:08 -
Meta reagon nga qelia: Pensionistëve u jepet një lëmoshë! Në 11 vite në pushtet Rama i varfëroi
2 Nëntor, 15:24 -
Ilir Meta ‘ndjek’ Ramën nga burgu: Ekzaltimi fals i kryeministrit për negociatat, procesi duhej të ishte mbyllur prej kohësh
1 Nëntor, 19:00 -
Meta në burg, Alibeaj për Report Tv: U arrestua ish-presidenti, e çfarë pastaj, të gjithë para ligjit të barabartë! Berisha kërkon të shesë qeverinë teknike si karamele, i paaftë të fitojë zgjedhjet
1 Nëntor, 17:58 -
A do të bëhej avokat i Ilir Metës? Adriatik Lapaj: S'marr përsipër të përfaqësoj asnjë politikan të akuzuar për korrupsion (VIDEO)
1 Nëntor, 15:01 -
Ylli Pata: Modeli ballkanik i partive të liderëve të burgosur
31 Tetor, 20:16
-
Meta nga burgu: Arrestim im bandidesk për të më izoluar! Provat janë në telefonin e sekuestruar të ish gruas time dhe grupit të saj të ngushtë
30 Tetor, 18:03 -
Nën akuzë për korrupsion, Piro Xhixho paraqitet në SPAK për masën detyrim paraqitjeje (VIDEO)
30 Tetor, 11:19 -
Meta në burg për lobimin në SHBA e dosja CEZ- DIA, Tezja e Kryemadhit tërheq vendimin e GJKKO-së
29 Tetor, 14:24
Perse cdo gje IM e parashikon per ne shtator. Kujdes!!! manovrat e ketij te paudhi jane te rezikshme. Ke per te rene ne kurth dhe ti o spiun i reshkur si ata te gramshit.
PërgjigjuEshte Ilir Metmuti Hajduti spiuni, ky ja llafe.
PërgjigjuOre kush eshte ky qe flet si Toto Rina? Edhe permendet familjaret e atyre qe punojne ne administrat?
PërgjigjuDo kete gallate ne shtator me ne fund sdo kete me politikane te lidhur me regjimin e vjeter robt te gjitheve ku ti kene se e po e marin ne qafe kete popull te mbaruar cdo dite qe kalon
PërgjigjuMendoj se duhet te cosh ne spak dhe veten , perbagtite vete dosjen se e di me mire se ca krimesh ke bere
PërgjigjuPadia eshte e kote, sepse personi i spiunuar nga Sigurimi (shoku i klases i Metes) ka pasur te drejte te terheqe dosjen e vet, edhe eshte ai qe e ka nxjerre kete lajm, jo Autoriteti. Edhe nese e ka nxjerre Autoriteti, ka ndodhur klandestinshe dhe s'ka per t'u vertetuar kurre
PërgjigjuJa dhe muti i GAQO NESHOS....
Përgjigju