POP 5

Lajmet më të lexuara të 5 minutave të fundit

Ekonomi

Ministri Çuçi tek bletërritësi në Zadrimë: Javën e ardhshme i hapin rrugën eksportit të mjaltit shqiptar në Kinë

Në Skemën Kombëtare të këtij viti bletërritësit mund të aplikonin për të marrë subvencion duke pasur së paku 50 koshere nga 100 që ishte vitin e kaluar.

Ministri Çuçi tek bletërritësi në Zadrimë: Javën e ardhshme i hapin rrugën eksportit të mjaltit shqiptar në Kinë

 

Javën e ardhshme do të nënshkruhet me qeverinë kineze protokolli që i hap rrugë eksportit të mjaltit nga Shqipëria. Kështu tha ministri i Bujqësisë dhe Zhvillimit Rural, Bledi Çuçi teksa ndodhej në Zadrimë të Lezhës tek një bletërritës, i cili prej shumë vitesh prodhon mjaltë në markën “Zadrima”.

“Bletaria është një nga sektorët më të rëndësishëm. Përsa i përket subvencionit, e reja e këtij viti është se kriterin që kishim vënë vjet për 100 koshere e ulëm në 50, por kemi hapësirë për ta ulur sërish. Përveç subvencionit që po japim për bletëritësit, ne jemi duke kërkuar tregje të reja për mjaltin. Javën e ardhshme unë do të nënshkruaj me qeverinë kineze protokollin për mjaltin që i hap rrugë eksportit të këtij produkti drejt një tregu të madh. Ky është një treg i jashtëzakonshmë, që do t’i japë një tjetër frymëmarrje bletarisë. Kjo do të ndikojë në shtimin e koshereve dhe rritjen e sasisë së prodhimit të mjaltit”, tha ministri Çuçi.

Në Skemën Kombëtare të këtij viti bletërritësit mund të aplikonin për të marrë subvencion duke pasur së paku 50 koshere nga 100 që ishte vitin e kaluar. Ministria e Bujqësisë dhe Zhvillimit Rural do të shikojë mundësinë që këtë numër ta ulë në rreth 30, për t’i dhënë një tjetër nxitje këtij aktiviteti. Bletaria në Shqipëri ka një traditë të hershme. Mjalti i prodhuar në vendin tonë shquhet për cilësi kurative dhe vlera të larta ushqyese për shkak të natyrës  dhe klimës që ka vendi ynë.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • hasani: 28/10/2019 23:52

    JO VETEM PER MJALTIN,,Z,,minister,,por dhe per produkte te tjera,,molle,,sherebele,,,kamomil,,,,vaj ulliri,,,pula,,grure,,fasule,,,,soje,,,etj,,..

    Përgjigju
  • Kafsha: 27/10/2019 10:20

    Nuk kuptoj nje gje, a ka kaq bollek në Shqiperi më produkte të vendit qe kerkojme të eksportojme? Ka vende të BE qe prodhimet e tyre bujqesore i mbajnë për tregun vendas dhe jo për ti eksportuar. Kaq shumë mjalte paska në Shqiperi dhe njerezit hanë me bollek sa na paska teprica për eksport? Ç eshte kjo punë kështu vetem e vetem per ca pará te qelbura?

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça