TIRANË- Ministri i Punëve të Jashtme dhe Bashkëpunimit Ndërkombëtar Antonio Tajani është shprehur pro integrimit të vendeve të Ballkanit Perëndimor në Bashkimin Europian. Ai thotë se burokracirat e krijuara sa i përket procesit të integrimit, rrezikon të ketë efekte negative në këto vende.
“Ajo çka këto Vende kërkojnë nuk është një lehtësim i reformave që Bashkimi Evropian u ka kërkuar të realizojnë për t’u bërë pjesë e tij, por siguria e procesit, afatet kohore dhe, mbi të gjitha, rezultatin përfundimtar. Kam mundur në fakt të prek nga afër shqetësimin e tyre për një proces integrimi që vitet e fundit ka ndryshuar gjithmonë e më shumë edhe për shkak të një interpretimi burokratik të dinamikave të bisedimeve nga ana e Bashkimit Evropian. Duke vepruar në këtë mënyrë harrojmë vlerën e jashtëzakonshme transformuese që procesi i integrimit u jep institucioneve dhe shoqërisë civile të këtyre Vendeve. Ëndrra evropiane rrezikon të kthehet, për të gjitha këto, në një utopi”, tha Tajani.
Duke marrë shkas nga lufta në Ukrainë, ministri thotë se duhet të shërbejë si një kambanë alarmi për BE, pasi nuk duhet ta humbasë kurrsesi Ballkanin Perëndimor.
“Zhgënjimi në rritje, i shtetasve të Ballkanit Perëndimor, mbi perspektivën evropiane të Rajonit, është një këmbanë alarmi që duhet të shkundë Bashkimin Evropian dhe Vendet anëtare të tij. Kujdes: Bashkimi Evropian nuk mund t’i lejojë vetes të humbë Ballkanin Perëndimor. Siguria evropiane – dhe agresioni rus ndaj Ukrainës na e kujton gjithmonë se sa e kërcënuar është ajo sot – do të rrezikohej seriozisht nga kjo perspektivë. Italia është ndër Vendet më shumë të rrezikuara nga një skenar i tillë, edhe në frontin e emigracionit”, shtoi ministri.
Ai tha se Italia është një mbështetëse e madhe ndaj këtyre vendeve për të realizuar ëndrrën europiane.
“Qeveria italiane është e angazhuar dhe do ta luajë rolin e saj deri në fund, siç përmendi Kryeministrja në çelje të mbledhjes ministrore në Romë. Angazhimi ynë në Ballkanin Perëndimor do të vijojë me më shumë fuqi e bindje. Vendet e Ballkanit nuk mund të presin më gjatë”, përfundoi Tajani.
Kjo fjalë e tij u mbajt në takimin ministerial për Ballkanin Perëndimor në Romë, ku ishin të pranishëm ministrat e Jashtëm të Shqipërisë, Bosnje Hercegovinës, Kosovës, Maqedonisë së Veriut, Malit të Zi dhe Serbisë, ministri i Jashtëm suedez Billstroem, si President i Këshillit të Bashkimit Evropian dhe Komisioneri për Fqinjësinë dhe Zgjerimin Varhelyi. Këtij ministeriali i drejtua me një mesazh edhe Kryeministrja italiane, Giorgia Meloni, e cila ka thënë se një përshpejtim i integrimit të vendit në Bashkimin Evropian do të rriste stabilitetin.
Lajme të tjera
-
The Economist: BE më në fund po e ndez makinën e zgjerimit, situata reale në Ballkan
2 Tetor, 11:57 -
Franca emëron të dërguarin e posaçëm për Ballkanin Perëndimor
29 Shtator, 22:41 -
Italia e shqetësuar për sulmin në veri të Kosovës, Tajani telefonon Kurtin e Vuçiç: Ndaloni çdo lloj aktiviteti ushtarak dhe dhune
27 Shtator, 14:59 -
Mblidhet Komiteti i Investimeve Shqipëri-Itali, Rama: Marrëveshja për njohjen e pensioneve pothuajse në përfundim! Tajani: Gati të shtojmë investimet
27 Shtator, 14:29 -
Tajani dhe Rama drejtojnë sot në Itali takimin e Komitetit të Përbashkët Ekonomik: Konfirmim i marrëdhënieve të shkëlqyera Itali-Shqipëri
27 Shtator, 07:50 -
BE 19 mln euro për riciklimin e mbetjeve në Kukës e Gjirokastër
26 Shtator, 16:44 -
Tajani: Po punojmë për të përforcuar praninë e KFOR-it në kufirin Kosovë - Serbi
26 Shtator, 08:21 -
Shqipëria dhe Kosova në BE më 2030, mes ëndrrës dhe demagogjisë?!
21 Shtator, 16:34
-
Sfidat për mbrojtjen e mjedisit në Ballkanin Perëndimor
20 Shtator, 13:47 -
Ministrja e Jashtme sllovene: BE-ja e vitit 2030 duhet të jetë me e angazhuar për integrimin e Ballkanit Perëndimor
8 Shtator, 10:09 -
Zv.kryeministri italian,Tajani: Italia ka një rol për të luajtur në rindërtimin e Ukrainës
7 Shtator, 10:07 -
Nisma e re për të ndaluar 'largimin e trurit' në Ballkanin Perëndimor
2 Shtator, 09:15
