Mira Janji: Nuk kam nevojë për
bisturi, ndihem e bukur nga natyra

Pasioni për muzikën e ka shoqëruar gjatë gjithë rrugëtimit të saj që nga fëmijëria deri në këto momente. Edhe pse sot, ajo ëhstë një emër i suksesshëm në tregun muzikor, ajo herë pas here befason, jo vetëm në klipe por edhe në rrjetet sociale. Kjo është Mira Jani, e cila në këtë rrëfim tregon jetës e saj luksoze, lidhjen me muzikën, por edhe pritshmërit gjatë këtij viti artistik. Ajo çka e bën të veçantë është edhe bukuria që e karakterizon, madje ajo thekson se është kundra bisturisë. Edhe pse deri më tani Mira ka pasur tri albume të suksesshme, ajo po synon të jetë aktive në treg edhe me klipe provokuese. Në këtë intevristë, Mira Janji vjen në një rrëfim për veten sëbashku me disa foto të nxehta.
 
Ku daton lidhja me muzikën dhe sa ja keni arrit qëllimit për të qenë aktive në tregun muzikor?

Që në fëmijërinë time, dëshira për artin dhe studimet nuk më linin kohë tjetër përveç pushimit që ishte i nevojshëm. Herë pas here, vazhdoj punën për klipe, xhirime, festivale. Prandaj, them se jam me fat sepse vitin që kaloi jam vlerësuar me tri çmime të mëdha. Vazhdoj të kërkoj akoma më shumë nga vetja.


 
Keni realizuar shumë këngë e klipe, cilat janë pritshmëritë në këtë vit?

Këtë vit, kam gjëra akoma më të mëdha! As jeta ime, nuk merr kuptim pa muzikën. Prandaj, them se këtë vit do të befasoj sërish të gjithë ata që pëlqejnë muzikën time.
 
Të bësh një klip sot, kushton. Nga kush financohen projektet tuaja muzikore?

Kam biznese që më mundësojnë këtë arritje. Muzika është profesioni që mua më jep jetë.
 
Pse jeni tërhequr disi nga koncertet, ka ndonjë arsye?

Nuk është se ka ndonjë arsye të fortë. Fakti se, jam tërhequr disi nga koncertet ka qenë për shkak të angazhimeve që kam pasur me xhirimet e klipeve dhe festivalet. Duhet fillimisht të lëmë pak hapësirë, në mënyrë që të rifitojmë energjitë dhe të rikthehemi tek koncertet.


 
Nga rrjetet sociale shikojmë se udhëtimet tuaja tashmë janë fokusuar tek teatrot botërore...?

Kam qëndruar në shumë teatro botërore për të ndjerë punën e tyre nga afër, jam ndier perfekt.
 
Një nga këngët tua më të fundit i dedikohet një personaliteti të njohur në vend, mund të zbulojmë identitetin dhe arsyen pse i ke dedikuar këngë?

Po është kënga “Një yll kërkoj” ia dedikova sepse e ndjeva ashtu. E kemi lënë sekret identitetin.
 
Është e dashuruar Mira dhe cili mund të jetë mashkulli ideal?

Po jam! Ideal është respekti që më bën dhe kultura që ka.
 
Karakteristikat me të cilat do e përshkruaje veten me pak fjalë?

Sjellja, kultura..
 
Je nga të pakta femra të njohura që nuk ke realizuar ndonjë bisturi, je pro apo kundër?

Nuk kam pasur nevojë se kam bukuri natyrale, ndihem e bukur nga natyra.


Redaksia Online
(xh.k/shqiptarja.com)