Një telefon satelitor i sekuestruar brenda jahtit luksoz “Atik Bey” dhe navigatori GPS,i këtij mjeti lundrues është dërguar për ekspertim nga prokuroria e Lezhës, e cila është dhe institucioni që po heton këtë çështje. Telefoni satelitor është gjendur gjatë këqyrjes filmike dhe me fotografim, që i është bërë jahtit nga ana e policisë dhe prokurorisë Lezhë. Ky telefon i përket kapitenit të jahtit “Atik Bey”, shtetasit turk Sezgin Yavuz, i cili prej gati një muaj rezulton i zhdukur dhe nuk ka asnjë të dhënë mbi vendodhjen e tij. Nëse ky telefon satelitor do të arrihet të dekodohet dhe të mësohet se cilat kanë qenë komunikimet e kapitenit me personat e tjerë, atëherë do arrihet të hidhet më tepër dritë mbi zhdukjen misterioze të Sezgin Yavuz. Eskpertimi i navigatorit GPS të jahtit dhe telefonit satelitor të gjendur në jaht, do të kryhet nga eskpertët e laboratorit të Ministrisë së Brendshme.Deri në këto momente, ka rezultuar e konfirmuar edhe nga të dhënat e mara nga Forca Dedatare, se drejtuesi i Jahtit me hyrjen në ujërat territoriale Shqiptare, ka fikuar navigator disa herë, çka ka krijuar dyshime se kapiteni turk mund të jetë takuar me dikë tjetër në det të hapur, i cili po ashtu ka qenë në lundrim. Ndërkohë për këtë çështje vijojnë hetimet edhe për sa i përket mbledhjes së informacioneve mbi të kaluarën e kapitenit të jahtit luksoz shtetasit turk, Sezgin Yavuz dhe pronarit të mjetit lundrues biznesmenit të tekstileve Nedim Akyuz.
Ky i fundit disa herë ka bërë përpjekje në prokurori, madje duke futur në këtë çështje dhe influencën e ambasadës turke, por sërish prokuroria e Lezhës ka vendosur të mos kthejë mjetin lundrues, pasi kjo është e vetmja provë që ekziston mbi këtë çështje. Jahti për prokurorinë e Lezhës është një vendngjarje, dhe deri në këto momente ai po trajtohet si një vendngjarje. Pista kryesore e hetimin, siç është raportuar më herët, është prishja e pazareve të drogës dhe mundësia e vrasjes së kapitenit. Për herë të fundit ky jaht është regjistruar në portin e Tivarit në Malin e Zi, aty ku kapiteni Sezgin Yavuz ka qëndruar nga data 30 gusht deri në datën 2 shtator. Sinjali i fundit i përket orës 18:20 minuta në datën 2 shtator në afërsi të Kotorrit në Malin e Zi ku dhe më pas komunikimi i tij me GPS është fikur. Kapiteni ka fikur transponderin GPS për 14 ore teksa ishte në brigjet Shqiptare, në vijën bregdetare Dhërmi- Seman dhe Durrës-Velipojë. Më konkretisht gjatë orës 17:25 (15 korrik) deri 00:21 (16 korrik) është fikur GPS përgjatë brigjeve në jug nga Dhërmiu në Seman.
Ndërsa nga ora 02:37 (16 korrik) deri 07:49 është fikur GPS nga Durrësi deri pranë brigjeve veriore në Velipojë. Jahti “Atik Bey” në datën 1 korrik është nisur nga Bodrumi në Turqi duke filluar të lundrojë drejt Greqisë dhe më pas në ujërat shqiptare, ku ka mbërritur me 15 korrik, pa fikur asnjëherë deri në këtë moment sinjalin GPS (Transponder), një aparat që lejon të gjurmohet gjithë lëvizja në lundrim e çdo mjeti lundrues. Me 15 korrik jahti mbërriti përballë portit të Sarandës dhe që këtu nisin disa lëvizje të çuditshme: Jahti nuk futet në port, por qëndron jashtë tij për disa minuta dhe më pas rinis lundrimin: Përse? Ka kontaktuar dikë apo ka marrë në bord dikë? Jahti vazhdon lundrimin dhe përballë Dhërmiut fik Transponderin duke u zhdukur kështu nga radarët për 8 orë rresht. GPS rindizet kur jahti Atik Bey ndodhet tashmë përtej grykëderdhjes së Semanit. Duke qenë se GPS është i fikur nuk dihet nëse jahti ka qëndruar në det të hapur apo është afruar në breg. Lundrimi vazhdon dhe pasditen e 15 korrikut përballë brigjeve të Durrësit jahti e fik sërish transponderin për t'u rishfaqur 6 orë më pas, në 8 të mëngjesit të 16 korrikut përballë Velipojës, ku transponderi ndizet sërish. Nga ky moment e tutje jahti futet në ujërat e Malit të Zi dhe gjatë gjithë muajit gusht lundron në Kroaci duke prekur porte të ndryshme, deri më 30 gusht kur jahti kthehet në portin e Budves ku qëndron dy ditë dhe më pas, pasi ka fikur sërish GPS zhduket deri më 7 shtator kur gjendet në ujërat e Shëngjinit pa asnjë person në bord.
Lajme të tjera
-
Mourinho telefonon Ronaldon, e fton të rikthehet në Evropë! Gati klubi i ri
22 Nëntor, 16:08 -
Tentoi të nxirrte rreth 30 mijë euro nga Kapshtica, nën hetim 50-vjeçari turk! Paratë iu gjetën të fshehura në çantë në kabinën e kamionit
21 Nëntor, 09:51 -
Moti i keq/ Pezullohet lundrimi i peshkarexhave në Shëngjin! Bashkia Lezhë thirrje qytetarëve: Bëni kujdes, parashikohen reshje me intensitet
21 Nëntor, 09:39 -
Shëngjin/ Shkrumbohet nga flakët një makinë tek Rana e Hedhun, drejtuesi ishte brenda mjetit bashkë me dy vajzat! Arritën të dalin pa lëndime (VIDEO)
19 Nëntor, 16:40
-
‘Po flirton me Erdoganin dhe Ramën’, Mitsotakis përjashton nga partia Demokracia e Re ish-kryeministrin Samaras
16 Nëntor, 16:49 -
Dëmtimi i Rey Manaj, reagon Sivasspor: Shqipëria e dinte gjendjen, duhen 4-6 javë rikuperim
14 Nëntor, 12:44 -
Marrëveshja e emigrantëve Shqipëri-Itali, qendrat mbeten bosh, largohen 50 agjentët e parë! Do rimodelohet struktura
13 Nëntor, 07:51 -
Skandal me bastet sportive në Turqi, mediat: Grupet kriminale blenë ekipe edhe në Shqipëri për trukimin e rezultatit
12 Nëntor, 19:17 -
Marrëveshja/ 7 emigrantët e vendosur në Shëngjin kthehen në mesnatë në Brindizi
12 Nëntor, 07:49 -
Gjyqtarët italianë bllokojnë sërish dërgimin e emigrantëve në Shqipëri! Qeveria e Melonit përplaset me ta, Salvini: Vendim politik! Sulmon opozita
11 Nëntor, 21:36 -
Marrëveshja/ Emigrantët që erdhën në Shëngjin kthehen sonte në Itali! Gjyqtarët e Romës çojnë çështjen në Gjykatën Europiane të Drejtësisë (VIDEO)
11 Nëntor, 17:47 -
Lufta/ Turqia mohon dërgimin e naftës në Izrael
11 Nëntor, 15:09
