Përvit e më shumë, përvit e më tepër shqiptarët marrin rrugën e 13 të martave të shenjta në Shna Ndo për ne, e Shën Antoni i Padovës për botën mbarë. Nuk i kërkon askush, nuk i grumbullon askush; ashtu nën peshën e halleve, gëzimeve e lehtësinë e ëndrrave, bëhen të gjithë “balerinë” e sikur fluturojnë deri në vendin e shenjtë.
Kur gazetari i Report TV pyet disa prej pelegrinëve se çfarë kërkojnë dhe çfarë urojnë nga Shna Ndoi, përgjigjen pothuajse njësoj: Qetësi, harmoni, shëndet, lumturi, paqe…
Kam krijuar përshtypjen se kur njerëzit shkojnë në një vend të shenjtë, ajri përreth, gurët, ndërtesat, njerëzit vetë, ndryshojnë përbërje dhe janë më të lehtë. Grimcat e atomeve që duken “të hallakatura” me një supermikroskop e që përbëjnë sendet, kafshët dhe njerëzit, sikur harmonizohen nën ritmin e mendimeve dhe ëndrrave të mira. Të gjithë e perceptojnë këtë dhe nga kjo atmosferë e krijuar, kujtdo mund t’i ndodhë vetëm e mira. Si në Shna Ndo. Prandaj harmonia, paqja, respekti, dashuria, mirësia kanë rëndësi si në familje, shkollë, punë, apo në çdo vend publik, pasi shumësia e këtyre vlerave bën që gjërat të shkojnë mbarë përgjithësisht.
Është jo vetëm njerëzore, por edhe e përtejshme, e drejta e secilit për të pasur përreth një mjedis të paqtë e të shëndetshëm, prandaj të gjitha besimet, të gjitha fetë, e kanë boshtin kryesor të tyre të paqtë e të drejtë.
Është kundër dëshirës, ëndrrave dhe vlerave njerëzore të propagandosh të kundërtën: Urrejtja, lufta, gënjeshtra dhe synime të tjera konfliktuale i mbajnë jo vetëm shqiptarët, por edhe cilëndo qënie njerëzore dhe jo, larg këtyre vatrave.
Kushedi se cila është forca dhe magjia e Shën Antonit të Padovës, lindur në të largëtin 15 gusht 1195 në Lisbonë, që mban sot në qershor të 2024-s kaq shumë shqiptarë bashkë në Kishën e Laçit ngritur, rrëzuar e ringritur për nder të tij. Forca e të mirës, përballë hileve të së keqes, e kapërceka me lehtësi largësinë e shekujve e si të ishte dje, Shna Ndoi apo Shën Antoni i Padovës, bën për vit e më shumë edhe në Laç, këto mrekulli mes mijëra shqiptarësh.
Lajme të tjera
-
Festa e Shna Ndout, mijëra pelegrinë në Kishën e Laçit! Kremtimi i madh për përmbylljen e 13 të martave të shenjta (VIDEO)
12 Qershor, 21:10
-
Nis pelegrinazhi në kishën e Shna Ndout në Laç, mijëra besimtarë i drejtohen vendit të shenjtë përgjatë 13 të martave
19 Mars, 11:48
-
FOTO/ E marta e parë e vitit, dhjetëra besimtarë në kishën e Shna Ndout në Laç
2 Janar, 19:14 -
Festa e Shna Ndout, mijëra pelegrinë në kishën e Laçit: Lutemi për shëndet e begati
13 Qershor 2023, 18:28
-
Sherr për shitjen e qirinjve në Kishën e Laçit, rojet private përplasen me tregtarët ambulantë! Përgjegjësi i sigurisë: Te ndërhyje shteti, mund të shkohet në vetëgjyqësi
23 Maj 2023, 11:20
-
Identifikohet 74-vjeçarja që humbi jetën pas pelegrinazhit në Kishën e Laçit, u rrëzua aksidentalisht
15 Mars 2023, 10:30 -
Nis pelegrinazhi 13-javor në kishën e Shna Ndout, qindra besimtarë i drejtohen vendit të shenjtë: Lutemi për shëndet dhe harmoni në familje
14 Mars 2023, 11:30
-
Treni i pelegrinëve, çdo të martë nga Shkodra në kishën e Laçit (VIDEO)
13 Mars 2023, 22:38
-
Qindra besimtarë e nisin 2023 në Kishën e Laçit, luten për një vit të mbarë në familje e shoqëri (VIDEO)
3 Janar 2023, 12:52
-
Mrekullitë e Shna Ndout/ Pelegrinazhi në kishën e Laçit, mijëra besimtarë mblidhen me shpresë e besim në vendin e shenjtë (VIDEO)
12 Qershor 2022, 19:16 -
Pelegrinazhi i 13 të martave të shenjta! Sot dhe nesër do të bllokohen disa akse rrugore, nuk lejohet kalimi i mjeteve të tonazhit të rëndë! Ja ku do të parkojnë makinat
12 Qershor 2022, 08:39 -
Pelegrinazhi i 13 të martave të shenjta në Kishën e Shna Ndout kulmon nesër dhe pasnesër, këto janë akset ku devijohet trafiku
11 Qershor 2022, 21:34
