BRUKSEL-Në Konferencën e Ambasadorëve të BE-së, përfaqësuesja e lartë e BE-së për Politikën e Jashtme dhe Sigurinë, Federica Mogherini ka bërë sërish thirrje që në vitin e ardhshëm të hapen negociatat për Shqipërinë.
Pak kohë më parë u arrit marrëveshja midis Athinës dhe Shkupit dhe brenda pak javësh do të zhvillohet referendumi për emrin e ri të Maqedonisë. Do të jetë gjithashtu një vit intensiv për përgatitjet për hapjen e negociatave të pranimit si me këtë vend dhe me Shqipërinë. Më lejoni të jem e qartë: kjo mundësi duhet të kapet tani! Nuk është një lëshim, është në interesin e qytetarëve europianë, brenda dhe jashtë Bashkimit Europian.
Në Ballkan, sot është më se e qartë se Bashkimi Europian është pikë reference. Më lejoni t’u them diçka edhe atyre që kanë frikën se fuqi të tjera po bëhen gjithnjë e më të pranishme në rajon: për sa kohë që ne të jemi të pranishëm në rajon, nuk ka hapësirë për të tjerë.
Federica Mogherini
Gjatë fjalës së saj, Mogherini u ndal edhe te takimi mes dy presidentëve të Kosovës dhe Serbisë në 7 shtator, ndërsa shtoi se ekziston një mundësi reale që arrijnë një marrëveshje. Në muajt e fundit vijon nje debat i nxehte për rishikimin e kufijve.
Viti i ardhshëm 2019 do të jetë edhe 20-vjetori i luftës në Kosovë. Për këtë arsye besoj se ka ardhur koha që t’i jepet fund atij konflikti. Ekziston një mundësi që presidentët Vuçiç dhe Thaçi të arrijnë një marrëveshje që do të adresojë të gjitha çështjet e hapura mes Beogradit dhe Prishtinës. Një marrëveshje gjithëpërfshirëse, detyruese ligjërisht për të normalizuar marrëdhëniet mes dy palëve. Një marrëveshje që të jetë në përputhje të plotë me ligjin ndërkombëtar, e që do të mund të ndihmojë në qëndrueshmërinë e të gjithë rajonit.
Federica Mogherini
Presidenti i Serbisë, Aleksandër Vuçiç u angazhua pak kohë më parë për ndarje ndërmjet serbëve dhe shqiptarëve në Kosovë, duke u bërë jehonë kërkesave të Serbisë për ndarjen tokësore të Kosovës në kuadër të procesit për normalizimin e marrëdhënieve ndërmjet të dy vendeve.
Kosova e ka hedhur poshtë idenë e ndarjes tokësore të saj, ndërsa është përfshirë ne debatet e nxitura nga ideja e presidentit të saj Hashim Thaçi për 'korrigjimin e kufirit" që sipas tij, nënkupton bashkimin e luginës së Preshevës, një rajon me shumicë shqiptare në jug të Serbisë, me Kosovën.
SHBA dhe BE nuk e kanë kundërshtuar idenë, por kanë kërkuar mos cenonte stabilitetin e Ballkanit, ndërsa Gjermania dhe Britania janë pozicionuar kundër. Përsa i përket Shqipërisë, Rama mbështeti qëndrimin e BE, ndërsa Presidenti Meta doli kundër rishikimit të kufijve.
Lajme të tjera
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Pse ka nevojë Europa për Shqipërinë? Shkrimtari austriak: Kryeministri Rama, interesant në politikën europiane! I vetmi kryetar shteti, artist
2 Nëntor, 10:12 -
Hapet Kolegji i Europës, Von der Leyen: Era e ndryshimeve po fryn! S'duhet të rrimë duarkryq para ndërhyrjeve ruse! Mogherini: Studentët tani ndjehen qytetarë të Tiranës!
23 Tetor, 17:12 -
Spahiu ironizon Ramën: Nëse BE na ka poshtëruar tre herë, Shqipëria ka poshtëruar 30 herë veten
15 Tetor, 21:37 -
Shqipëria hap grup-kapitullin e parë me BE, ambasadori Gonzato: Partitë ta konsiderojnë Integrimin prioritet kombëtar strategjik!
15 Tetor, 12:27 -
32 studentë nga Europa në Kolegjin e Europës në Tiranë, Veliaj: Tre bursa për të rinjtë ekselentë shqiptarë! Ambasadori i BE: Shqipëria është Europë
7 Shtator, 10:10 -
Hap dyert Kolegji i Evropës në Tiranë, Mogherini: Përgatisim rajonin për në BE, Ministri Hasani: Kampusi na vendos në hartën e profesionistëve
3 Qershor, 11:19 -
Kolegji Evropian në Tiranë, ‘shtëpia’ e parë në godinën ‘Liria’ në QS! Mogherini: Viti i ri akademik nis në shtator! Patëm 242 aplikime, u përzgjodhën 31 studentë
29 Shkurt, 12:20 -
Bruksel, Mogherini: Një vit pas samitit në Tiranë ngritëm kolegjin europian, falenderoj Shqipërinë! 21 shtete anëtare do mbulojnë bursa për studentët
13 Dhjetor 2023, 18:43 -
Veliaj dhe Mogherini nënshkruajnë marrëveshjen për Kolegjin Europian në Tiranë: Punojmë jo për zgjedhjet e ardhshme, por për gjeneratën e ardhshme
16 Tetor 2023, 12:23
