Motra e Rita Orës feston ditëlindjen
këngëtarja e uron në këtë mënyrë/FOTO

Për këngëtaren më famë botërore nga Kosova, Rita Ora sot është një ditë e veçantë, pasi motra e saj e madhe feston ditëlindjen.

Ajo përmes Instagramit ka publikuar një foto kur ajo dhe Elena ishin të vogla, ku duken mjaft bukur të veshura njësoj. Rita i dedikon këto fjalë motrës së saj për ditëlindje.

“Çfarë do të bëja pa ty? Vetëm Zoti e di. Ti je gjithçka për mua, arsyeja që jam kjo që jam sot. Çdo herë që më qorton e di që e bën sepse më do. Mbaj mend që nëna na vishte njësoj dhe unë qaja sepse nuk kisha atë që saktësisht ti kishe. Dhe ti më jepje gjërat e tua, sepse kjo është ajo që bëjnë motrat e mëdha. Kemi ndërtuar gjithçka bashkë dhe kështu do të vazhdojmë përgjithmonë. Jam shumë krenare për ty dhe për çdo gjë që ke arritur deri tani. Gëzuar ditëlindjen motër”, ka shkruar Rita.



Redaksia Online
XH.K/shqiptarja.com