NBA/ Oklahoma dhe Minnesota rrëzohen, Milwaukee humbet sërish ndaj Indianës! Lakers zyrtarisht në krizë

Mbrëmja e djeshme në NBA amerikan përfshiu 12 takime në parket dhe shumë emocione. Në Konferencën e Perëndimit, dy vendet e para të renditjes u mposhtën. New Orleans 'pushtoi' Minnesotan dhe mundi 117-106 Timberwolves, teksa Oklahoma City Thunders u mundën në Atlanta 141-138.

Suksesi i dytë radhazi për Indiana Pacers ndaj Milwaukee Bucks të Antetokounmpo, Lakers shembet kundër Miami dhe është në krizë. Dallas, Sacramento dhe Clippers fitojnë. Buzëqesh edhe Utah 154-148 kundër Detroit.

MINESOTA TIMBERWOLVES-NEW ORLEANS PELICANS 106-117
Minesota Timberwolves bien sërish, duke pësuar humbjen e dytë radhazi dhe një ndalesë të papritur në shtëpi. Kryesuesit e Konferencës Perëndimore (24-9) janë të tronditur nga New Orleans Pelicans, të cilët kalojnë me rezultatin 117-106 dhe një dominim të vërtetë në dy periodat e para. Nga +3 në pjesën e parë arrijnë në +21 pikë më pas, që drejton përfundimisht ndeshjen. I vetmi që tregoi energjinë e duhur në sfidën ndaj Zion Williamson dhe shokëve të tij, është Anthony Edwards me 35 pikë. Pikashënuesi më i mirë është Zion Williamson me 27 pikë, përpara McCollum (24 pikë) dhe Ingram (19 pikë). Tre më të mirët kthehen dhe bashkë me ta i gjithë ekipi, i cili merr një fitore shumë të çmuar jashtë fushe. Tashmë Pelikanët, pasi dominuan në kërcime dhe ndaluan gjuajtjet me tre pikë të rivalëve të tyre (10/31), janë të gjashtët në Perëndim (21 fitore - 14 humbje) dhe janë ngjitur në tabelë me katër fitore radhazi. 

LOS ANGELES LAKERS-MIAMI HEAT 96-110
Miami përkeqëson krizën e Los Angeles Lakers, të cilët pësojnë një humbje të rëndë në shtëpi dhe rrëshqasin në vendin e 10-të në Konferencën Perëndimore (17 fitore - 18 humbje), me humbjen e tretë radhazi. Heat ia lënë zonën Lakers-it, por dominojnë në të gjitha aspektet e tjera të lojës dhe mbyllin fitoren në çerekun e fundit, të dominuar me 38 pikë në tabelë. Janë tetë lojtarë dyshifrorë për miqtë, të kryesuar nga performanca e shkëlqyer e Tyler Herro: 21 pikë dhe 6 kërcime. Pas tij janë Jaquez (16), Jovic dhe Adebayo (15), por ka ndikim edhe Kevin Love me 10 pikë dhe 14 kërcime. Kështu Miami ngjitet në vendin e katërt në Lindje (20 fitore - 14 humbje), ndërsa Lakers hedhin poshtë paraqitjet e shkëlqyera të Davis (29 pikë dhe 17 kërcime) dhe Reaves (24 pikë). Veçanërisht zhgënjyese paraqitja e LeBron James, duke përfunduar me 12 pikë dhe nëntë asistime. 

Rezultatet në NBA:

Cleveland – Washington 140-101

Indiana – Milwaukee 142-130

Atlanta – Oklahoma 141-138

Houston – Brooklyn 112-101

Memphis – Toronto 111-116

Minnesota – New Orleans 106-117

Dallas – Portland 126-97

New York – Chicago 116-100

Phoenix – Clippers 122-131

Utah Jazz – Detroit 154-148

Lakers – Miami 96-110

Sacramento – Orlando 138-135

S.Dh/Shqiptarja.com

TAG:
• NBA
• Los Angelos Lakers
• miami heat