POP 5

Lajmet më të lexuara të 5 minutave të fundit

Sport

NBA/ Spektakël në All Stars Game, skuadra Giannis fiton kundër LeBron! Tatum thyen çdo rekord për MVP

Jayson Tatum po shpreson që ky të jetë viti që më në fund të mund të drejtojë Boston Celtics drejt titullit kampion. Vetëm në gjysmë të rrugës, lojtari 24-vjeçar ka marrë në shtëpi trofeun Kobe Bryant për MVP-në e NBA All-Star Game në duelin që skuadra Giannis mposhti skuadrën LeBron me rezultat 184-175 në “Vivint Smart Home Arena”.

NBA/ Spektakël në All Stars Game, skuadra Giannis fiton kundër LeBron! Tatum thyen çdo rekord për MVP

Jayson Tatum kundër LeBron James

Jayson Tatum po shpreson që ky të jetë viti që më në fund të mund të drejtojë Boston Celtics drejt titullit kampion. Vetëm në gjysmë të rrugës, lojtari 24-vjeçar ka marrë në shtëpi trofeun Kobe Bryant për MVP-në e NBA All-Star Game në duelin që skuadra Giannis mposhti skuadrën LeBron me rezultat 184-175 në “Vivint Smart Home Arena”.

Performanca e basketbollistit ishte ndoshta më e mira në historinë e kësaj përballjeje, duke grumbulluar 55 pikë, që është një rekord i ri, duke kaluar 53 pikët e arritura nga Anthony Davis në edicionin 2017, kur ai ishte ende pjesë e New Orleans Pelicans.

Giannis Antetokounmpo, i cili ishte kapiteni duke qenë më i votuari në Konferencën Lindore, shfrytëzoi mundësinë e tij të parë mes lojtarëve titullarë për të zgjedhur Tatum, i cili është rivali i tij kryesor në luftën për të arritur në finalet e NBA.

Çereku i tretë ishte i veçantë për Tatum, pasi ai shënoi 27 pikë, që është gjithashtu një numër rekord në një hark kohor prej 12 minutash në një NBA All-Star Game. Si të mos mjaftonte kjo, vëmendje të madhe tërhoqi edhe dueli individual që pati me shokun e tij të skuadrës, Jaylen Brown.

Brown, i cili ishte në ekipin e kapitenit tjetër, LeBron James, u përball me Tatum 1-me 1 në disa raste, me driblime nga të dyja anët që ndezën tifozët në Salt Lake City. Vitin e kaluar, Stephen Curry (i cili nuk luajti për shkak të lëndimit) mori trofeun Kobe Bryant për herë të parë duke shënuar 50 pikë, fillimi i një viti që përfshinte edhe trofeun Larry O’Brien si kampion i NBA.

 

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu