Tashmë mesazheve të drejtpërdrejta, vendin ua ka zënë arti.
Nëpërmjet tij, artistët me forma të ndryshme po përcjellin mesazhet se jeta është e shenjtë, andaj koronavirus nuk duhet të merret si një ëndërr e keqe kalimtare, pasi mungesa e ndërgjegjësimit mund të bëjë që kalimtarë të jemi ne!
Të frymëzuar nga këngët e viteve të kaluara dhe letërsia shqiptare e ajo e huaj, artistët kanë sjellë nga shtëpitë e tyre copëza shprese dhe momente të bukura.
Tingujt dhe vargjet e "Si zogj në cicërima" kanë bashkuar në një duet virtual Luan Zhegun dhe Mariza Ikonomin. Së bashku me fëmijët e Shtëpisë së Fëmijëve "Zyber Hallulli" ata kanë interpretuar kolonën zanore të 'Kur xhirohej një film', e cila përcjell emocione te çdokush, sidomos ata që janë rritur me filmat e viteve '80, për të na e kujtuar se sa e çmuar është shtëpia, qyteti dhe kujtimet e fëmijërisë, veçanërisht këto ditë kur duhet t’i japim shpresë njëri-tjetrit.
Me zërin e bukur të artistes së re Gerona Hyska dhe nën shoqërinë e instrumentistëve Bledar Sejko, Viktor Rushiti, Besnik Gace, Xhino Daja etj, vjen nga karantina "Nuk e harroj" një nga këngët më te bukura të motrave Libohova.
Grupi i artistëve kanë vendosur të sjellin për të ngritur peshë zemrat e shqiptarëve me këngën triumfuese të Festivalit të Këngës në RTSH, në vitin 1987. Megjithatë edhe pas më shumë se 32 vitesh, kjo këngë vazhdon të pëlqehet e të kujtohet plot nostalgji.
Covid-19 ndryshoi shumë gjëra brenda pak kohësh. Ndryshoi stilin e të jetuarit, të përditshmen, por edhe mënyrën sesi tashmë po i shohim gjërat.
Nëpërmjet një video mesazhi me tekst të Raelva Shabanaj, regji të Edlira Bahollit dhe lexuar nga aktorja me zërin kumbues Olta Daku mund të kuptojmë se ajo qe duam në këto momente është dëshira për të qenë të lirë, për të dalë fitimtarë ndaj kësaj lufte.
Artisti Alban Nimani ka dhuruar disa momente relaksuese për të gjithë ndjekësit e tij në rrjetet sociale gjatë ditëve të karantinimit, duke luajtur në kitarë "Better call soul".
"Tu u follirat para se me shku me pastru shpinë", shkruan artisti.
Njerëz që vdesin të ndarë nga të afërmit e tyre dhe pa ndonjë ceremoni të veçantë...Duket sikur po flasim për situatën që ka krijuar koronavirus, por në fakt po flasim për "Murtaja" të Albert Kamy, një nga kryeveprat e letërsisë botërore.
Nga karantina, i riu Kevi Kuçi ka lexuar një pjesë të këtij libri, historia e të cilit zhvillohet në një qytet algjerian i cili përballet me vdekje të njëpasnjëshme, të vetmuar, e që duket sikur i shkon kaq mirë përshtat asaj me të cilën bota po përballet sot.
"Epidemia nuk u përgjigjet përmasave të njeriut, i cili rrjedhimisht mendon se epidemia nuk është reale, se është një ëndërr e keqe që do kalojë. Por jo gjithmonë kalon, dhe nga një ëndërr e keqe në tjetrën, kalimtarë janë njerëzit..." lexon ndër të tjera nga karantina i riu.
I frymëzuar nga poema dramatike "Gomari i Babasatit" e Gjergj Fishtës muzikanti Vlashent Sata ka sjellë këngën 'Me jetu' nga karantina.
Kjo këngë, teksti i së cilës është përshtatur nga Arben Bajraktaraj, ka si mesazh atë që në fakt edhe vetë Fishta donte të përcillte kritikën ndaj keqbërësve dhe nëpërkëmbjes së vendit.
Monologu “Egoja”, shkëputur nga “Carmina Burana” me koreografi të Yuri Vamos, në mungesë të ndriçimit dhe efekteve speciale, mbërrin e mbështjellë nga dashuria e balerinit Dion Gjinika për publikun.
I mbyllur në shtëpi, për shkak të situatës së krijuar nga Covid -19, balerini i njohur ka ndryshuar disa detaje për shkak të hapësirës së limituar, në karantinë .
Performanca soul e Dion Giinikës është realizuar për sezonin online të Teatrit të Operës dhe Baletit, ndrësa balerini është pjesëtar i trupës në këtë institucion.
Koreografi Youri Vamos shpreh idetë e tij në lidhje me konceptin skenik të baletit “Carmina Burana”. Tema qendrore e koreografisë së tij është qëndrimi i njeriut ndaj ligjeve të natyrës. Ai që ngrihet kundër harmonisë që jeton në të, është i destinuar të dështojë. Kjo premierë është ngjitur në TKOB katër vjet më parë, por mesazhi i kësaj vepre merr një vlerë aktuale në situatën e krijuar nga pandemia COVID -19, e sidomos ku detyrohesh të vallëzosh brenda mureve të shtëpisë si Dion Gjinika.
Balerini Kevin Lila ndihet i përkëdhelur nga fati përgjatë karantinës me vendndodhjen e shtëpisë së tij. I rrethuar nga natyra, atij i jepet mundësia të vallëzoj jashtë, duke shprehur ndjenjat e lirisë dhe shpresës. Në një performancë me shumë vlerë për sezonin artistik online të Teatrit të Operës dhe Baletit, Kevin Lila shpreh mesazhin për një të ardhme më të mirë se ç’po kalon njerëzimi.
Kevin Lila është nga talentet e reja të baletit shqiptar, i zbuluar nga mjehstri i koreografisë, i ndjeri Agron Aliaj, i cili e përzgjodhi në moshën 18-vjeçare për rolin kryesor të premierës së baletit shqiptar “Plaga e dhjetë e Gjergj Elez Alisë”, që u dha tetë vjet më parë. Aktualisht Kevin Lila është pjesë e trupës së Teatrit të Operës dhe Baletit në Tiranë.
Pianisti i njohur Genc Tukiçi nga shtëpia e tij në Paris, ndërsa qëndron i mbyllur për shkak të situatës së krijuar nga Covid 19, shpreh nostalgjinë për kulturën e vendit të tij. Tukiçi shoqëron të bijën Nadia Tukiçi në piano, e cila këndon arien e njohur shkodrane, “Për mue paska ken kësmet”. Të dy artistët e kanë realizuar videon bardhë e zi për ta vendosur në kontekstin e kohëve të vjetra këtë këngë të vështirë për t'u interpretuar por shumë të dashur për shqiptarët
Genc Tukiçi është një nga pianistët, kantautorët dhe muzikantët më të njohur shqiptaro-francezë, i cili e trashëgoi talentin në muzikë nga familja pasi babai, Ibrahim Tukiçi dhe i vëllai David Tukiçi, janë ndër muzikantë më të shquar shqiptar.
Pianisti i njohur ka përfunduar studimet në Konservatorin e Tiranës dhe arriti të marrë diplomën solist nga Ecole Normale de Musique në Paris.
Karriera e tij ndërkombëtare e ka çuar Gencin në sallat më prestigjioze të globit në koncerte si “Sommets Musicaux de Gstaad” në Zvicër, në sallën “Gaveau” dhe “Cortot” në Paris, në Antikën e Arteve të ORA apo CAMI HALL në New York.
Përgjatë karrierës së tij, Genc Tukiçi ka punuar dhe inçizuar në orkestra të ndryshme që nga ajo e TKOB në Tiranë e deri te orkestra e Çajkosvkit në Rusi. Ndërsa e bija Nadia Tukiçi, edhe pse është e lindur në Francë dhe e ka nënën japoneze, është shumë e lidhur me gjuhën shqipe dhe traditat e vendlindjes së babait të saj.
Aktorët e Teatrit “ A. Z. Çajupi”, të Korçës qëndrojnë në shtëpi për t’u mbrojtur nga Coronavirusi, por ata dinë të realizojnë shfaqje të bukura duke mbajtur distancën pas dyerve të mbyllura, e duke punuar për sezonin e shfaqjeve online. Një nga shfaqjet më të bukura që është realizuar këto ditë është një skeç kushtuar situatës së Covid 19 interpretuar nga Guri Koço, Albano Prodani, Vjollca Prodani e Aleks Prodani!
Teatri i Korçës “Andon Zako Çajupi” i drejtuar nga Zamira Kita po mundohet të jetë sa më aktiv me shfaqjet online, ku nuk mungojnë interpretimet e gjinive të ndryshme, që nga teatri, tek poezia e sidomos humori, për të cilin shqiptarët e mbyllur në karantinë kanë më shumë nevojë se kurrë. Një ngjarje e veçantë është përfshirja për pak çaste në këtë skeç e aktores Vjollca Prodani, që njihet si një aktore e shkëlqyer e humorit shprehen për të kolegët e saj.
Lajme të tjera
-
Për 2023 sëmundshmëria kronike u rrit 5,9%, shkak plakja e popullsisë dhe pasojat e Covid
23 Janar, 07:37 -
Regjistrohet rasti i parë i variantit të koronavirusit ‘Pirola’ në Ukrainë
8 Nëntor 2023, 09:54 -
FOTO/ Muralet në zemër të kryeqytetit, artistët ndërkombëtarë ‘shndërrojnë’ pallatet e Tiranës në vepra arti
31 Gusht 2023, 10:18 -
Agjencitë e inteligjencës në SHBA të ndara për origjinën e koronavirusit
25 Qershor 2023, 14:09 -
Rikthehen viruset tek fëmijët pas pandemisë
19 Qershor 2023, 08:14 -
COVID-19, Organizata Botërore e Shëndetësisë shpall fundin e emergjencës globale! Vlerësimi: 20 mln njerëz humbën jetën
5 Maj 2023, 16:17 -
Shtrimet në spitale gjatë 2022 u shtuan me 8% pas pandemisë! Zemra dhe shëndeti mendor problemet kryesore
4 Maj 2023, 20:19
-
Gjermanët padi për dëme të shkaktuara nga vaksinat ndaj COVID
13 Prill 2023, 08:24 -
Korrupsion me respiratorët gjatë pandemisë 'Covid 19', kryeministri i Federatës së Bosnjës dënohet me 4 vite burg
5 Prill 2023, 11:01 -
Shëndetësia/ Meta: Pandemia e provoi dështimin e qeverisë, falsifikuan shifrat! Ne do të rrisim me 50% pagat për ‘bluzat e bardha'! 5% financim të GDP për buxhetin
31 Mars 2023, 11:25 -
OBSH i kërkon Kinës të publikojë të gjitha të dhënat e lidhura me origjinën e COVID-it
18 Mars 2023, 21:11 -
SHBA pritet të ndërpresë testimin e detyrueshëm për COVID-19 për udhëtarët nga Kina
8 Mars 2023, 14:08
