POP 5

Lajmet më të lexuara të 5 minutave të fundit

Sport

Tirana abonohet me barazim, 2-2 kundër Bylis! Teuta merr tri pikë në Korçë, Vllaznia mposht kampionët dhe gjen kreun

Superliga shqiptare e futbollit mbylli ditën e parë të raundit të katërt.

Tirana abonohet me barazim, 2-2 kundër Bylis! Teuta merr tri pikë në Korçë, Vllaznia mposht kampionët dhe gjen kreun

Ndeshja në Shkodër dhe Korçë

Superliga shqiptare e futbollit mbylli ditën e parë të raundit të katërt. Në Ballsh, Tirana e Bledi Shkëmbit është abonuar me "X", teksa barazoi 2-2 kundër Bylisit. Sot në 19:00, Skënderbeu humbi 2-3 nga Teuta, teksa Vllaznia fitoi 3-1 me Egnatian. Java e katërt e elitës së vendit mbyllet nesër, me Vllazninë që për momentin është në krye të renditjes.

Në "Adush Muça" të Ballshit, Bylis dhe Tirana barazuan 2-2 në një sfidë thriller që u vendos në minutën e 95-të. Për vendasit shënuan Arli Përgjoni në minutën e 18-të dhe Flamur Ruci në 90+5, të dy me supergola. Ndërkohë që Akileu Ndreca përmbysi përkohësisht për Tiranën me dopietë në minutat 83 dhe 88-të. Pas javës së katërt Tirana sheh katër pikë dhe katër barazime.

Në "Loro Boriçi" të Shkodrës, Vllaznia fitoi 3-1 kundër kampionëve në fuqi të Egnatias. Mala në minutën e 16-të zhbllokoi shifrat dhe kaloi në epërsi vendasit, para se Ujka të barazonte ndeshjen. Në minutën e 40-të Klinti Qato shënoi një supergol për 2-1 e Vllaznisë. Në pjesën e dytë Bekim Balaj me një aksion model dhe pasim final nga Qato vulosi tri pikët e Vllaznisë.

Në Korçë dramë për vendasit. Skënderbeu humbi 2-3 me Teutën në një ndeshje të luftuar deri në sekondën e fundit. Nikaj shënoi për korçarët pas vetëm nëntë minutash, ndërsa Beqja barazoi në pjesën e parë. Teuta me Preknicaj dhe Krujën shënuan dy gola të tjerë, ndërsa Rashica në minutën e 90+5 gjeti golin e dytë për korçarët. Në aksionin e fundit Skënderbeu pretendoi për penallti, por VAR e cilësoi ndërhyrjen e Kotobellit si të saktë.

Superliga, raundi 4:

E mërkurë, 11 shtator 2024

16:00 Bylis 2-2 Tirana

19:00 Skënderbeu 2-3 Teuta

19:00 Vllaznia 3-1 Egnatia

E enjte, 12 shtator 2024

19:00 AF Elbasani - Laçi

19:00 Partizani - Dinamo

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55